వారణాసి, మహారాష్ట్రలో ప్రధాని నరేంద్ర మోదీ చేసిన ప్రసంగాలలో ఎన్నికల కోడ్ ఉల్లంఘించలేదని ఈసీ స్పష్టం చేసింది. ఇప్పటివరకు మోదీపై వచ్చిన 5 ఫిర్యాదులపై ఎన్నికల సంఘం నిర్ణయం తీసుకుంది. అన్నింటిలోనూ మోదీకి సచ్ఛీలత పత్రమిచ్చింది ఈసీ.
మహారాష్ట్రలో...
ఏప్రిల్ 6న మహారాష్ట్ర నాందేడ్లో ఎన్నికల ప్రచార సభలో మోదీ మాట్లాడుతూ కాంగ్రెస్ను మునిగిపోతోన్న టైటానిక్ నావగా అభివర్ణించారు. ఈ వ్యాఖ్యలపై కాంగ్రెస్ ఈసీని ఆశ్రయించింది.
వారణాసిలో...
తాను పోటీ చేస్తోన్న వారణాసి లోక్సభ స్థానంలో ఏప్రిల్ 25న ఎన్నికల ర్యాలీలో పాల్గొన్నారు మోదీ. జాతీయ భద్రత, తీవ్రవాదం, బాలాకోట్ వైమానిక దాడులను ప్రస్తావిస్తూ భాజపా ఉగ్రవాదానికి సరైన బదులిచ్చిందని వ్యాఖ్యానించారు. ఈ వ్యాఖ్యలపై ఈసీకి కాంగ్రెస్ ఫిర్యాదు చేసింది.
ఈ రెండు ప్రసంగాలపై నివేదికలు తెప్పించుకున్న కేంద్ర ఎన్నికల సంఘం మోదీకి క్లీన్ చిట్ ఇస్తూ నిర్ణయం తీసుకుంది.
- ఇదీ చూడండి: భారత్లో బీభత్సాన్ని చూసి 'బంగ్లా' అప్రమత్తం
