ఎలక్ట్రానిక్ గ్యాడ్జెట్లు, కరెన్సీ నోట్లు, పత్రాలను శానిటైజ్ చేసేందుకు ఆటోమేటిక్, కాంటాక్ట్లెస్ యూవీ శానిటైజర్ను సిద్ధం చేసింది హైదారాబాద్లోని భారత రక్షణ పరిశోధన, అభివృద్ధి సంస్థ(డీఆర్డీఓ). ఈ శానిటైజర్కు డీఆర్యూవీఎస్(అల్ట్రావైలెట్ శానిటైజర్) అని పేరు పెట్టింది.
ఈ శానిటైజర్ ఆటోమేటిక్గా పనిచేస్తుంది. ఇందులోని క్యాబినెట్లో ఎలక్ట్రానిక్ గ్యాడ్జెట్లు, కరెన్సీ నోట్లు పెడితే... యూవీ కిరణాలు వాటిని శానిటైజ్ చేస్తాయి. ప్రక్రియ పూర్తయ్యాక యంత్రం స్లీప్ మోడ్లోకి జారుకుంటుంది. ఈ విధంగా క్యాబినెట్ వద్ద ఎవరూ ఉండనవసరం లేదని డీఆర్డీఓ తెలిపింది.
ఫోన్లు, ఐప్యాడ్లు, ల్యాప్టాప్స్, కరెన్సీ నోట్లు, పాస్బుక్లు, పత్రాలు తదితర వాటిని ఈ పద్ధతి ద్వారా శానిటైజ్ చేయవచ్చని పేర్కొంది డీఆర్డీఓ.
