అంబుజా సిమెంట్... మన్నికైన, బలమైన సిమెంట్ అంటూ అప్పట్లో వచ్చిన ప్రకటన ఎంతో ఆదరణ పొందింది. అదే ఇప్పుడు దిల్లీ అసెంబ్లీ ఎన్నికలకు ముందు పేరడీగా మారింది. ఆ ప్రకటనను విస్తృతంగా ఉపయోగించుకుంటున్నాయి ఆప్, కాంగ్రెస్, భాజపా. సామాజిక మాధ్యమాల్లో తనను లక్ష్యంగా చేసుకొని విరుచుకుపడుతున్న కాంగ్రెస్, భాజపాకు కౌంటర్గా ఈ సిమెంట్ ప్రకటన స్పూఫ్ వీడియోను వదిలింది ఆమ్ ఆద్మీ పార్టీ.
ఆ వీడియోలో ఏముంది?
విడిపోయిన ఇద్దరు సోదరులు.. తమ మధ్య అడ్డుగా ఉన్న గోడను పడగొట్టాలని ప్రయత్నిస్తుంటారు. తమ సమూహంతో వచ్చినా, పెద్ద దుంగతో వచ్చి ఢీకొట్టినా గోడకు చిన్న చిల్లు కూడా పడదు. బాంబులు పెట్టి పేల్చేద్దామని చూసినా ఫలితం శూన్యం. ఎందుకంటే అది అంబుజా సిమెంట్తో చేసిన గోడ. బలం, నిజాయితీకి మారుపేరు అంటూ ప్రకటన ముగుస్తుంది. ఈ ప్రకటనతో దిల్లీ ఎన్నికలకు సంబంధమేంటనేగా మీ సందేహం. ఉంది మరి!
-
KEJRIWALL pic.twitter.com/Jdp62d6ZHL
— AAP (@AamAadmiParty) January 8, 2020 " class="align-text-top noRightClick twitterSection" data="
">KEJRIWALL pic.twitter.com/Jdp62d6ZHL
— AAP (@AamAadmiParty) January 8, 2020KEJRIWALL pic.twitter.com/Jdp62d6ZHL
— AAP (@AamAadmiParty) January 8, 2020
ఇక్కడ విడిపోయిన సోదరులు ఎవరో కాదు.. కాంగ్రెస్, భాజపా. మధ్యలో ఉన్న గోడ కేజ్రీవాల్. ఇక ఆ సమూహం ఇరు వర్గాల కార్యకర్తలు. పెద్ద దుంగేమో దిల్లీ లెఫ్టినెంట్ గవర్నర్. బాంబులు.. సీబీఐ దాడులు. ఇలా ఎవరేం చేసినా అధికారం తమదేనని... మధ్యలో అంబుజా సిమెంట్ అంత బలమైనదిగా ఉన్న గోడ కేజ్రీవాల్ అంటూ వీడియో ముగుస్తుంది.
స్ఫూఫ్, మీమ్స్ వార్..
ఆ వీడియో స్పూఫ్.. భాజపా, కాంగ్రెస్ను చిర్రెత్తిపోయేలా చేసింది. తామేం తక్కువ కాదంటూ పేరడీలను వదిలాయి. అప్పటినుంచి మొదలైన ఈ స్పూఫ్ వార్ కొనసాగుతూనే ఉంది.
అదే అంబుజా సిమెంట్ ప్రకటనను కొద్దిగా మార్పులు చేసి దిల్లీ భాజపా వదిలింది. ఇక్కడేమో కేజ్రీవాల్ స్థానంలో ప్రధాన మంత్రి నరేంద్రమోదీ... సోదరులుగా కన్నయ్య కుమార్, కేజ్రీవాల్ ఉంటారు. మధ్యలో దుంగ, బాంబులుగా జేఎన్యూ, జామియా అల్లర్లను వీడియోలో ప్రస్తావించింది భాజపా. గోడ ఎందుకు ధ్వంసం కావట్లేదని ఆ సోదరులు అడగ్గా.. అది 130 కోట్ల మంది భారతీయుల ప్రేమతో తయారైంది, ఎలా బద్దలవుతుంది? మోదీ జాతీయ వాదాన్ని ఏం చేయలేరంటూ వీడియో ముగుస్తుంది. ఇక్కడ భాజపా తమ గెలుపుగా పేర్కొంది.
-
राष्ट्रवाद.. pic.twitter.com/hgklynYuT8
— BJP Delhi (@BJP4Delhi) January 9, 2020 " class="align-text-top noRightClick twitterSection" data="
">राष्ट्रवाद.. pic.twitter.com/hgklynYuT8
— BJP Delhi (@BJP4Delhi) January 9, 2020राष्ट्रवाद.. pic.twitter.com/hgklynYuT8
— BJP Delhi (@BJP4Delhi) January 9, 2020
సూపర్ మారియో టూ సూపర్ కేజ్రీవాల్...
ఆమ్ ఆద్మీ అంబుజా ప్రకటనతో ఊరుకోలేదు. ఈసారి సూపర్ మారియో వీడియో గేమ్తో రంగంలోకి దిగింది. సూపర్ మారియో స్థానంలో కథానాయకుడిగా సూపర్ కేజ్రీవాల్ను చేర్చి.. ఎన్నో అడ్డంకుల్ని అధిగమిస్తూ దిల్లీని ఆయన అభివృద్ధి పథంలో తీసుకెళ్తున్నట్లు వీడియోలో చూపెట్టింది. చివరకు ఈసారీ దిల్లీ పీఠం తమదే అన్నట్లుగా ముగించింది.
-
SUPER KEJRIWAL pic.twitter.com/PDZoUYxd6s
— AAP (@AamAadmiParty) January 13, 2020 " class="align-text-top noRightClick twitterSection" data="
">SUPER KEJRIWAL pic.twitter.com/PDZoUYxd6s
— AAP (@AamAadmiParty) January 13, 2020SUPER KEJRIWAL pic.twitter.com/PDZoUYxd6s
— AAP (@AamAadmiParty) January 13, 2020
మళ్లీ ఆప్కు చురకలంటిస్తూ దిల్లీ భాజపా.. 'పాప్ కీ అదాలత్' అంటూ మరో వీడియోను ట్విట్టర్లో పోస్ట్ చేసింది. ఆప్.. ఎన్నికలకు ముందు ఇచ్చిన వాగ్దానాలను నెరవేర్చలేదని కోర్టులో వాదనలు వినిపించేలా ఈ వీడియోను రూపొందించింది.
-
‘PAAP’ ki Adalat... pic.twitter.com/mpnbi417ay
— BJP Delhi (@BJP4Delhi) January 10, 2020 " class="align-text-top noRightClick twitterSection" data="
">‘PAAP’ ki Adalat... pic.twitter.com/mpnbi417ay
— BJP Delhi (@BJP4Delhi) January 10, 2020‘PAAP’ ki Adalat... pic.twitter.com/mpnbi417ay
— BJP Delhi (@BJP4Delhi) January 10, 2020
భాజపా వీడియోకు దీటుగా బదులిచ్చింది ఆప్. 'ఇది చాలా బోరింగ్ కంటెంట్. ఒక మనిషిని పడగొట్టడానికి తీవ్ర ప్రయత్నాలు చేస్తున్నారు. మీకేమైనా సలహాలు కావాలంటే మాతో సన్నిహితంగా ఉండండంటూ' ట్వీట్ చేసింది.
భాజపా సీఎం అభ్యర్థి ఎవరు..?
భాజపాను దెబ్బకొట్టడానికి ప్రకటనలే కాదు... మీమ్స్నూ విరివిగా వాడుకుంటోంది ఆమ్ ఆద్మీ. 'సరైన సీఎం అభ్యర్థే లేరంటూ ఆప్ అడిగిన ప్రశ్నకు.. అది తమను తీవ్రంగా బాధిస్తుందంటూ భాజపా పేర్కొన్నట్లు' సృష్టించిన మీమ్.. విపరీతంగా ట్రెండైంది. ఇలాగే ఆప్ రూపొందించిన మరో రెండు, మూడు మీమ్స్ సామాజిక మాధ్యమాల్లో బాగానే షేరయ్యాయి.
కేజ్రీవాల్ కాదు.. కేజ్రీ'వెల్'!
అయితే ఈ స్పూఫ్ ఫెస్ట్కు ఆలస్యంగా ఎంట్రీ ఇచ్చినా.. కాంగ్రెస్ సృష్టించిన వీడియో సోషల్ మీడియాలో చక్కర్లు కొట్టింది.
'కేజ్రీవాల్ కాదు.. కేజ్రీ వెల్... ఆ బావిలో చీకటి తప్ప మరేమీ ఉండదు.. ఈ సారి ఆ ఉచ్చులో చిక్కుకోవద్దు' అని ప్రజలకు హితబోధ చేస్తూ వీడియో రూపొందించింది కాంగ్రెస్.
-
यह Kejriwal नहीं Kejri-Well है...जिसके झांसों के कुएं में अंधेरे के सिवा कुछ नहीं। झांसे में मत आओ, अपनी अकल लगाओ! @AamAadmiParty pic.twitter.com/JDhhq1jMi4
— Delhi Congress (@INCDelhi) January 12, 2020 " class="align-text-top noRightClick twitterSection" data="
">यह Kejriwal नहीं Kejri-Well है...जिसके झांसों के कुएं में अंधेरे के सिवा कुछ नहीं। झांसे में मत आओ, अपनी अकल लगाओ! @AamAadmiParty pic.twitter.com/JDhhq1jMi4
— Delhi Congress (@INCDelhi) January 12, 2020यह Kejriwal नहीं Kejri-Well है...जिसके झांसों के कुएं में अंधेरे के सिवा कुछ नहीं। झांसे में मत आओ, अपनी अकल लगाओ! @AamAadmiParty pic.twitter.com/JDhhq1jMi4
— Delhi Congress (@INCDelhi) January 12, 2020
విజేత కోసం ఆగాల్సిందే..
ఓటర్లను ఆకర్షించడానికి విభిన్న ప్రయత్నాలు చేస్తున్న ఆయా పార్టీల్లో విజేత ఎవరో తెలియాలంటే ఫిబ్రవరి 11 వరకు ఆగాల్సిందే. అప్పుడే రాజధాని పీఠం ఫలితాలు మరి.
