వాద్రా పిటిషన్​పై విచారణ అవసరం లేదు:ఈడీ

తనపైనున్న అక్రమ నగదు బదిలీ కేసును కొట్టివేయాలన్న రాబర్ట్​ వాద్రా పిటిషన్​పై స్పందించాలని ఎన్​ఫోర్స్​మెంట్​ డైరెక్టరేట్​ను ఆదేశించింది దిల్లీ హైకోర్టు. ఈ పిటిషన్​పై అభ్యంతరం వ్యక్తం చేసింది ఈడీ. పిటిషన్​ను విచారించాల్సిన అవసరం లేదని పేర్కొంది.

తనపై నమోదైన అక్రమ నగదు బదిలీ కేసును కొట్టేయాలని రాబర్ట్​ వాద్రా దాఖలు చేసిన పిటిషన్​ను విచారించింది దిల్లీ హైకోర్టు. పిటిషన్​పై స్పందించాలని ఎన్​ఫోర్స్​మెంట్​ డైరెక్టరేట్​ను ఆదేశించింది. పిటిషన్​పై ​ అభ్యంతరం వ్యక్తం చేసింది ఈడీ. ఈ కేసులో నిజాలను దాచేందుకు ప్రయత్నాలు జరుగుతున్నాయని తెలిపింది. వాద్రాకు కేసు నుంచి ఎలాంటి ఉపశమనం కల్పించాల్సిన అవసరం లేదని విన్నవించింది.

వాద్రా పిటిషన్​ను విచారించాల్సిన అవసరం లేదని ఈడీ, కేంద్రం తరఫున హాజరైన సొలిసిటర్​ జనరల్​ తుషార్​ మెహతా కోర్టుకు తెలిపారు. ఇది చట్ట ప్రక్రియను దుర్వినియోగం చేయడమేనని తెలిపారు.

రాబర్ట్​ వాద్రా, అతని సన్నిహితుడు మనోజ్​ అరోడాలు దాఖలు చేసిన పిటిషన్లపై నేడు విచారణ చేపట్టింది జస్టిస్​ హిమా కోహ్లి, జస్టిస్​ వినోద్​ గాయల్​లతో కూడిన ధర్మాసనం. రెండు వారాల్లోగా అఫిడవిట్​ దాఖలు చేయాలని ఈడీని ఆదేశించింది. మే 2కు తీర్పు వాయిదా వేసింది.

లండన్​లో సుమారు రూ.17.27 కోట్ల విలువైన ఆస్తులను వాద్రా కొనుగోలు చేశారు. దీంతో వాద్రాపై అక్రమ నగదు బదిలీ కేసు నమోదు చేసింది ఈడీ.