హస్తిన పీఠం మరోమారు 'ఆమ్ఆద్మీ'దేనా? అరవింద్ కేజ్రీవాల్ మరోసారి ముఖ్యమంత్రి కావడం ఖాయమా? ఔననే అంటున్నాయి ఎగ్జిట్ పోల్స్. దాదాపు అన్ని సర్వేలు ఆప్ విజయం తథ్యమని అంచనా వేశాయి.
2015తో పోల్చితే ఆప్ ఆధిక్యం కాస్త తగ్గినా... ప్రత్యర్థులకు అందనంత ఎత్తులో ఉంటుందని విశ్లేషించాయి. భాజపా కాస్త పుంజుకుంటుందని, కాంగ్రెస్ ఏమాత్రం ప్రభావం చూపలేకపోవచ్చని అంచనా వేశాయి.
టైమ్స్ నౌ- ఐపీఎస్ఓఎస్ సర్వే
- ఆప్: 44
- భాజపా+: 26
- కాంగ్రెస్: 0
- ఇతరులు: 0
రిపబ్లిక్ టీవీ- జన్ కీ బాత్ సర్వే
- ఆప్: 48-61
- భాజపా+: 9-21
- కాంగ్రెస్: 0-1
- ఇతరులు: 0
నేత- న్యూస్ ఎక్స్ సర్వే
- ఆప్: 53-57
- భాజపా+: 11-17
- కాంగ్రెస్: 0-2
- ఇతరులు: 0
ఏబీపీ- సి-ఓటర్
- ఆప్: 49-63
- భాజపా+: 5-19
- కాంగ్రెస్: 0-4
- ఇతరులు: 0
న్యూస్ఎక్స్-పోల్స్ట్రాట్
- ఆప్: 50-56
- భాజపా+: 10-14
- కాంగ్రెస్: 0
- ఇతరులు: 0
దిల్లీలో మొత్తం 70 శాసనసభ నియోజకవర్గాలు ఉన్నాయి. అధికారం చేజిక్కించుకోవాలంటే కనీసం 36 స్థానాలు గెలుచుకోవడం అవసరం. 2015 ఎన్నికల్లో ఆమ్ఆద్మీ పార్టీ ఏకంగా 67 స్థానాలు దక్కించుకుని ప్రభంజనం సృష్టించింది. భాజపా 3 స్థానాలకు పరిమితమవగా... కాంగ్రెస్ అసలు ఖాతా తెరవలేదు.
దిల్లీ శాసనసభ ఎన్నికల ఫలితం ఈనెల 11న వెలువడనుంది. ఎగ్జిట్ పోల్స్ ఎంతమేర నిజం అయ్యాయో అదే రోజు తేలనుంది.
