కొత్తరకం కరోనా అనుమానిత లక్షణాలతో దిల్లీలోని లోక్నాయక్ ఆసుపత్రిలో ఓ వ్యక్తి చేరాడు. దీనికి సంబంధించిన సమాచారాన్ని ఆసుపత్రి మెడికల్ డైరెక్టర్ డాక్టర్ సురేశ్ కుమార్ తెలిపారు. ఆ వ్యక్తి నుంచి నమునాలు సేకరించి, పరీక్షలకు పంపించిన్నట్లు వెల్లడించారు. రెండు, మూడు రోజులలో రిపోర్టులు వస్తాయన్నారు. అతడిని ప్రత్యేక పర్యవేక్షణలో ఉంచినట్లు తెలిపారు. ప్రస్తుతం అతను ఆరోగ్యంగానే ఉన్నట్లు చెప్పారు.
అయితే ఇంగ్లాండ్ నుంచి ఈ మధ్యే అతడు భారత్ కు వచ్చాడు. గత కొద్ది రోజులుగా దేశ రాజధానిలో కరోనా కేసులు తగ్గుముఖం పడుతున్నాయి. ఈ సమయంలో కొత్తరకం కరోనా అనుమానిత కేసు వెలుగు చూడటం స్థానికంగా భయాందోళనలను కలిగిస్తోంది.
ఇదీ చూడండి: 'కరోనా కొత్త స్ట్రెయిన్ ప్రాణాంతకం కాదు.. భయమొద్దు'
