దిల్లీలో కాంగ్రెస్ వర్కింగ్ కమిటీ(సీడబ్ల్యూసీ) సమావేశం ప్రారంభమైంది. యూపీఏ ఛైర్పర్సన్ సోనియా గాంధీ, మాజీ ప్రధాని మన్మోహన్ సింగ్, గులాం నబీ ఆజాద్, మల్లికార్జున ఖర్గే సహా పార్టీ సీనియర్ నేతలు హాజరయ్యారు.
దిల్లీలో సమావేశమైన సీడబ్ల్యూసీ
సార్వత్రిక ఎన్నికల్లో కాంగ్రెస్ పార్టీకి ఊహించని పరాజయం ఎదురైంది. ఎన్డీఏ ప్రభంజనం ముందు.. 82 స్థానాల్లోనే నెగ్గింది యూపీఏ. ఓటమిపై కాంగ్రెస్ అధిష్ఠానం చర్చిస్తోంది. పార్టీ అధ్యక్ష పదవికి రాహుల్ గాంధీ రాజీనామా చేస్తారన్న ఊహాగానాల నేపథ్యంలో భేటీ ప్రాధాన్యం సంతరించుకుంది. సీడబ్ల్యూసీ సమావేశంలోనే రాహుల్ రాజీనామా చేసే యోచనలో ఉన్నట్లు పార్టీ వర్గాల సమాచారం. ఈ విషయంపై సర్వత్రా ఆసక్తి నెలకొంది.
ఎన్నికల్లో ఓటమికి గల కారణాలు, వాటిని ఏ విధంగా అధిగమించి పార్టీని బలోపేతం చేయాలనే అంశంపై సీనియర్ నేతలు చర్చించనున్నారు.
