'సెప్టెంబరు నాటికి భారత్​లో కరోనా తగ్గుముఖం'

భారత్​లో కరోనా మహమ్మారి వ్యాప్తి సెప్టెంబరు మధ్య కాలం వరకు పూర్తిగా తగ్గుముఖం పడుతుందని ఆరోగ్య నిపుణులు చెబుతున్నారు. పాజిటివ్ కేసులు, కోలుకున్న వారు, మరణించిన వారి సంఖ్యలను విశ్లేషించి ఈ విషయాన్ని వెల్లడించారు.

సెప్టెంబరు మధ్య వరకు భారత్​లో కరోనా వైరస్​ వ్యాప్తి అంతరిస్తుందని కేంద్ర వైద్య ఆరోగ్య శాఖలోని ఆరోగ్య నిపుణులు చెబుతున్నారు. గణిత నమూనా ఆధారిత విశ్లేషణ ఆధారంగా దీనిని అంచనా వేశారు. వైరస్ సోకిన వారి సంఖ్య, కోలుకున్న వారు, మరణించినవారి సంఖ్యలను విశ్లేషించి ఈ విషయాన్ని వెల్లడించారు.

డీజీహెచ్ఎస్ డిప్యూటీ డైరెక్టర్ జనరల్​ డా అనిల్​ కుమార్, డిప్యూటీ అసిస్టెంట్​ డైరెక్టర్ రూపాలి రాయ్​ విశ్లేషించిన వివరాలు ఎపిడెమియాలజీ ఇంటర్నేషనల్​ ఆన్​లైన్​ జర్నల్​లో ప్రచురితమయ్యాయి. కోలుకున్న వారు, మరణించిన వారి సంఖ్యతో మొత్తం కేసుల సంఖ్య సమం అయినప్పుడు వైరస్​ వ్యాప్తి తగ్గినట్లేనని వీరు భావిస్తున్నారు.

బెయిల్​ గణిత నమూనాను ప్రామాణికంగా తీసుకుని దీనిని విశ్లేషించారు. మార్చి 1 నుంచి మే 19 వరకు నమోదైన కేసుల వివరాలను పరిశీలించారు. వరల్డోమీటర్స్​ వెబ్​సైట్​లోని వివరాలను కూడా పరిణగణలోకి తీసుకున్నారు.