'మహా'పై కరోనా పంజా- ఒక్కరోజులో 13మంది మృతి

భారత్​లో కరోనా వైరస్ వేగంగా విస్తరిస్తోంది. మహారాష్ట్రలో ఒక్కరోజులో 13మంది ప్రాణాలు కోల్పోయారు. 112మందికి వైరస్ సోకింది. దీంతో రాష్ట్రంలో వైరస్ సోకిన వారి సంఖ్య 747కు చేరింది. దేశవ్యాప్తంగా వైరస్ కారణంగా 83మంది ప్రాణాలు కోల్పోయారు. 3577మంది ఇప్పటివరకు వైరస్ బారిన పడ్డారు.

మహారాష్ట్రలో కరోనా ప్రభావం అంతకంతకూ తీవ్రమవుతోంది. రాష్ట్రంలో ఒక్కరోజు వ్యవధిలో 13మంది ప్రాణాలు కోల్పోయారు. మరణాల సంఖ్య మొత్తంగా 45కు చేరుకుంది. రాష్ట్రంలో కొత్తగా 112మందికి వైరస్ సోకినట్లు నిర్ధరణ అయింది. దీంతో వైరస్ బాధితుల సంఖ్య 747కు చేరుకుంది.

దేశవ్యాప్తంగా ఒక్కరోజు వ్యవధిలో 505 కేసులు నమోదయ్యాయి. కేసుల సంఖ్య మొత్తంగా 3577కు చేరుకుంది. మృతుల సంఖ్య 83కు పెరిగింది. యాక్టివ్​గా ఉన్న కేసుల సంఖ్య 3219కి చేరింది.

దేశంలో కరోనా గణాంకాలు

ఇదీ చూడండి: లాక్​డౌన్​ తర్వాత రైలు ఎక్కాలంటే ఇవి తప్పనిసరి!