దేశవ్యాప్తంగా కరోనా విజృంభిస్తోంది. గత 24 గంటల్లో ఈ మహమ్మారి ధాటికి 28మంది బలికాగా... దేశవ్యాప్తంగా 704 కొత్త కేసులు నమోదయ్యాయి. ఫలితంగా ఇప్పటివరకు 111 మంది మరణించగా... 4281 కేసులు నమోదైనట్లు కేంద్ర ఆరోగ్య మంత్రిత్వ శాఖ వెల్లడించింది. వైరస్ బారినపడిన వారిలో 318 మంది కోలుకున్నట్టు వివరించింది. దేశంలో ప్రస్తుతం 3851 యాక్టివ్ కేసులున్నట్లు స్పష్టం చేసింది.
ఆ రాష్ట్రంలోనే అధికం
సోమవారం మరణించిన 28మందిలో 21మంది మహారాష్ట్రకు చెందిన వారే కావడం గమనార్హం. దీంతో రాష్ట్రవ్యాప్తంగా మృతుల సంఖ్య 45కు చేరింది. ఇప్పటివరకు మొత్తం 868 పాజిటివ్ కేసులు నమోదయ్యాయి.
ఆంధ్రప్రదేశ్(2), తమిళనాడు(2), పంజాబ్(1), గుజరాత్(1), ఉత్తరప్రదేశ్(1)లోనూ మరణాలు సంభవించాయి.
వివిధ రాష్ట్రాల్లోని పరిస్థితులు ఇలా..
ఇది చూడండి : ఎంపీల వేతనాల్లో 30% కోత.. కేంద్రం కీలక నిర్ణయం
