బిహార్ ఉపముఖ్యమంత్రి సుశీల్ కుమార్ మోదీ వేసిన పరువునష్టం దావాపై.. కాంగ్రెస్ అధ్యక్షుడు రాహుల్గాంధీకి పట్నా కోర్టు సమన్లు జారీ చేసింది.
రాహుల్ గాంధీ ఓ రాజకీయ సభలో 'అందరు దొంగలు మోదీ ఇంటిపేరును కలిగిఉన్నారు' అని వ్యాఖ్యలు చేసినట్లు ఆరోపించారు సుశీల్. రాహుల్ గాంధీపై పరువునష్టం దావా వేశారు. విచారణ జరిపిన మేజిస్ట్రేట్ శశికాంత్ రాయ్ మే 20న రాహుల్ను కోర్టు ముందు హాజరుకావాలని ఆదేశించారు.
కర్ణాటకలోని కోలార్ ఎన్నికల ర్యాలీలో కాంగ్రెస్ అధ్యక్షుడు.. ప్రధాని మోదీపై విమర్శలు గుప్పించారు. లలిత్ మోదీ, నీరవ్ మోదీ వంటి వారిపై చర్యలు తీసుకోకుండా మోదీ ప్రభుత్వం అధికార దుర్వినియోగానికి పాల్పడుతుందని ఆరోపించారు. అదే సభలో 'మోదీ' సంబంధిత వ్యాఖ్యలు చేశారు రాహుల్.
రాహుల్ వ్యాఖ్యలు.. మోదీ ఇంటిపేరు కలిగిఉన్న తన పరువుకు భంగం కలిగించేలా ఉన్నాయని శుక్రవారం రోజు కోర్టును ఆశ్రయించారు సుశీల్ కుమార్ మోదీ.
