దేశంలో తొలిసారి ట్రాన్స్​జెండర్ల విశ్వవిద్యాలయం

ఉత్తర్​ప్రదేశ్​లో దేశంలోనే తొలిసారి ట్రాన్స్​జెండర్ల కోసం విశ్వవిద్యాలయం ప్రారంభంకానుంది. ఇప్పటికే భవన నిర్మాణ పనులు మొదలయ్యాయి. ఒకటో తరగతి నుంచి పీజీ వరకు ఇందులో చదువుకునే సదుపాయాన్ని కల్పించనున్నారు.

ఉత్తర్​ప్రదేశ్​లోని కుషీనగర్​ జిల్లాలో దేశంలోనే మొట్టమొదటి సారి ట్రాన్స్​జెండర్ల కోసం విశ్వవిద్యాలయాన్ని ఏర్పాటు చేయనున్నారు. ఇందులో ఒకటో తరగతి నుంచి పీజీ వరకు చదువుకునే సదుపాయాన్ని కల్పించనున్నారు. అంతే కాకుండా పరిశోధనలు చేసి పీహెచ్​డీ పట్టాను కూడా పొందవచ్చు. అఖిల భారతీయ కిన్నర్​ శిక్షా సేవా ట్రస్టు (అఖిల భారత ట్రాన్స్​జెండర్​ విద్య సేవా ట్రస్ట్) ఈ విశ్వవిద్యాలయాన్ని నిర్మిస్తోంది.

ఇది ట్రాన్స్​జెండర్​ వర్గానికి దేశంలోనే మొట్టమొదటి ప్రత్యేక విశ్యవిద్యాలయం. ఇప్పటికే నిర్మాణ పనులు ప్రారంభమయ్యాయి. వచ్చే ఏడాది జనవరి 15న ఇద్దరు ట్రాన్స్​జెండర్​ పిల్లలకు ప్రవేశం కల్పించనున్నాము. ఫిబ్రవరి, మార్చి నెలల్లో తరగతులు ప్రారంభమవుతాయి.

-డా.కృష్ణ మోహన్​ మిశ్రా, ట్రస్టు అధ్యక్షులు

ఈ విశ్వవిద్యాలయాన్ని ప్రారంభిస్తున్నందుకు ట్రాన్స్​జెండర్లు ఆనందం వ్యక్తం చేశారు.

ఇవీ చూడండి: సివిల్ సర్వీసెస్​ ఫలితాలు విడుదల