భారత్​లో కరోనా విజృంభణ- ఒక్కరోజులో 47మంది మృతి

కరోనా వైరస్ కారణంగా దేశంలో సోమవారం ఒక్కరోజులోనే 47మంది మృతి చెందారు. 1336మంది వైరస్ బారినపడ్డారు. దేశంలో కరోనా కేసుల సంఖ్య 18,601కి పెరిగింది. మహారాష్ట్రపై వైరస్ ప్రభావం ఎక్కువగా ఉంది.

భారత్​లో కరోనా విజృంభిస్తోంది. ఒక్కరోజులో 47మంది ప్రాణాలు కోల్పోయారు. కొత్తగా 1336మందికి వైరస్ పాజిటివ్​గా తేలింది.

భారత్​లో కరోనా గణాంకాలు

మహారాష్ట్రలో వైరస్ ప్రభావం ఎక్కువగా ఉంది. అక్కడ ఇప్పటివరకు 4666 మందికి వైరస్ సోకింది. 232 మంది ప్రాణాలు కోల్పోయారు. దిల్లీలో 2,081మంది వైరస్ బాధితులు ఉన్నారు. గుజరాత్​లో 1,939 మందికి కరోనా పాజిటివ్​గా తేలింది.

కర్ణాటకలో..

కర్ణాటక కలబురిగిలో 80 ఏళ్ల వృద్ధుడు వైరస్​తో ప్రాణాలు కోల్పోయాడు. రాష్ట్రంలో మృతుల సంఖ్య 17కు చేరింది. కరోనా బాధితుల సంఖ్య 408గా ఉంది.

ఒడిశాలో..

ఒడిశాలో మరో ఐదుగురికి కరోనా సోకినట్లు నిర్ధరణ అయింది. దీంతో రాష్ట్రంలో బాధితుల సంఖ్య 79కి చేరింది. 53మందిలో కరోనా యాక్టివ్​గా ఉంది. మరో 25మందికి వ్యాధి లక్షణాలు నయమయ్యాయి.

ఇదీ చూడండి: కరోనా నిర్ధరణకు​ సత్వర పరీక్షల సత్తువెంత?