హరియాణాలోని ప్రతిగ్రామంలో భేటీ బచావో భేటీ పడావో కార్యక్రమానికి విశేష స్పందన లభించిందని హర్షం వ్యక్తం చేశారు ప్రధానమంత్రి నరేంద్ర మోదీ. రాష్ట్రంలో మరోసారి భాజపా అధికారంలోకి వస్తుందని విశ్వాసం వ్యక్తం చేశారు. హరియాణాలోని కర్ఖీ దాద్రీలో ఎన్నికల ర్యాలీకి హాజరయ్యారు మోదీ. కాంగ్రెస్పై ధ్వజమెత్తారు. అవినీతి పాలనతో దేశాన్ని భ్రష్టు పట్టించారని తీవ్ర విమర్శలు చేశారు.
"దేశాన్ని దోచుకునే వారిని జైలు గడప వరకు తీసుకొచ్చానని లోక్సభ ఎన్నికల సమయంలో చెప్పాను. వచ్చే ఐదేళ్లలో వారంతా జైలుకు వెళతారు. హిందుస్థాన్, హరియాణా రైతులకు హక్కు ఉన్న నీరు 70ఏళ్లుగా పాకిస్థాన్కు వెళుతోంది. దీనిని ఆపి ఆ నీటిని ప్రజల ఇళ్ల వరకు వచ్చేలా చేస్తా. ప్రజల ఆకాంక్షలకు అనుగుణంగానే జమ్ముకశ్మీర్కు ఆర్టికల్ 370నుంచి విముక్తి కల్పించాం. జమ్ముకశ్మీర్, లద్దాఖ్లకు దేశమంతా అండగా నిలిచింది. కొందరు కాంగ్రెస్ నేతలు మాత్రం దేశంలో, అంతర్జాతీయంగా ఈ నిర్ణయంపై దుష్ప్రచారం చేస్తున్నారు. "
-నరేంద్ర మోదీ, ప్రధాన మంత్రి
చైనా అధ్యక్షుడి నోట దంగల్ మాట
ఇటీవల చైనా అధ్యక్షుడు జిన్పింగ్తో చెన్నైలో భేటీ అయినప్పుడు.. ఆయన దంగల్ చిత్రాన్ని చూసినట్టు తనతో చెప్పారని మోదీ తెలిపారు. హరియాణాకు చెందిన యువతులు క్రీడా రంగంలో అద్భుత ప్రతిభ కనబరుస్తున్నారని కొనియాడారు.
దాద్రీ అసెంబ్లీ స్థానం నుంచి భాజపా అభ్యర్థిగా రెజ్లర్ బబితా ఫోగాట్ బరిలోకి దిగారు. దంగల్ చిత్రం బబిత, ఆమె సోదరి గీత జీవితకథ ఆధారంగా వచ్చింది.
ఇదీ చూడండి: మోదీ బొమ్మతో కర్ణాటక యువకుడి ప్రపంచ రికార్డ్
