జీ-20 దేశాల ప్రతినిధులు, రాయబారులతో కాంగ్రెస్ అధ్యక్షుడు రాహుల్గాంధీ సమావేశమయ్యారు. దిల్లీలోని ఓ ప్రైవేటు హోటెల్లో అతిథుల కోసం రాహుల్ మధ్యాహ్న విందు ఏర్పాటుచేశారు. ఈ కార్యక్రమంలో ఏఐసీసీ ఛైర్ పర్సన్ సోనియా గాంధీ, మాజీ ప్రధాని మన్మోహన్ సింగ్, ఇతర సీనియర్ కాంగ్రెస్ నాయకులు పాల్గొన్నారు.
గత నెల 15న జీ-20 దేశాల ప్రతినిధులు, రాయబారులతో ఈ సమావేశం జరగాల్సింది. అయితే పుల్వామా ఉగ్రదాడి నేపథ్యంలో నేటికి వాయిదా పడింది.
'జీ-20' దేశాలు....
'జీ-20'లో భారత్, అర్జెంటీనా, ఆస్ట్రేలియా, బ్రెజిల్, కెనడా, చైనా, యూరోపియన్ యూనియన్, ఫ్రాన్స్, జర్మనీ, ఇండోనేసియా, ఇటలీ, జపాన్, మెక్సికో, రష్యా, సౌదీ అరేబియా, దక్షిణాఫ్రికా, దక్షిణ కొరియా, టర్కీ, యునైటెడ్ కింగ్డమ్, అమెరికా సభ్యదేశాలుగా ఉన్నాయి. 'శాశ్వత అతిథి దేశం' హోదాను స్పెయిన్కు ఇచ్చారు.
ప్రపంచ ఆర్థికవ్యవస్థలోని కీలక సమస్యల పరిష్కారానికి, పారిశ్రామిక, ఆర్థిక అభివృద్ధికి సమష్టి కృషి చేయాలనేది జీ-20 ముఖ్య ఉద్దేశ్యం. సమన్వయ దృక్పథంతో పురోగతి సాధించాలన్నది జీ-20 దేశాల ధ్యేయం.
