ఉత్తరప్రదేశ్లో కరోనా కట్టడికి ఆ రాష్ట్ర ముఖ్యమంత్రి యోగి ఆదిత్యనాథ్ 'మూడు రోజుల ప్రణాళిక'ను అమలు చేస్తున్నారు. దీనిలో భాగంగా అధికారులే నేరుగా ఇంటింటికి వెళ్లి ప్రతి ఒక్కరికీ యాంటిజెన్ పరీక్షలను నిర్వహించాలని ఆదేశించారు యోగి. ఈ కార్యక్రమంలో ప్రజలకు వైరస్పై పూర్తి స్థాయిలో అవగాహన కల్పించనున్నారు.
"కొవిడ్-19, కీటకాల నుంచి సంక్రమించే వ్యాధులు, ఇతర వ్యాధుల గురించి ప్రజల్లో అవగాహన కల్పించడానికి జులై 10 నుంచి 13 వరకు ప్రత్యేక పరిశుభ్రత ప్రచారం నిర్వహిస్తున్నాం. ఈ ప్రచారంలో భాగంగా ఇంటింటికీ వెళ్లి ప్రతి ఒక్కరికి యాంటిజెన్ పరీక్షలు చేస్తారు."
-యోగి ఆదిత్యనాథ్, ఉత్తరప్రదేశ్ ముఖ్యమంత్రి.
కరోనా పరీక్షలను అధిక సంఖ్యలో నిర్వహించేందుకు ల్యాబ్ సిబ్బందిని కూడా పెంచినట్లు ముఖ్యమంత్రి తెలిపారు. కాబట్టి ప్రతి రోజు 15 వేల రాపిడ్ యాంటీజెన్ పరీక్షలను నిర్వహించాలని నిర్దేశించారు. పరీక్షల సమయంలో కరోనా వైరస్ వ్యాప్తి చెందకుండా ప్రతి చోట శానిటైజ్ చేయాలని అధికారులకు సూచించారు.
