కర్ణాటకలో ఓ వంతెన హఠాత్తుగా కుప్పకూలింది. రాయచూర్ జిల్లాలో వరదల్లో దెబ్బతిన్న వంతెనను ఓ ఎమ్మెల్యే తనిఖీ చేస్తున్న తరుణంలో ఈ ఘటన జరిగింది. ఈ ప్రమాదంలో నలుగురు గాయపడ్డారు.
ఇదీ జరిగింది..
మాన్వి అసెంబ్లీ నియోజకవర్గ శాసనసభ్యుడు వెంకటప్ప నాయక్.. రాయచూర్లోని సిర్వారా ప్రాంతంలోగల దెబ్బతిన్న వంతెనను పర్యవేక్షించేందుకు వెళ్లారు. అనుచరులతో పాటు వెంకటప్ప పగుళ్లను పరిశీలిస్తుండగా.. ఒక్కసారిగా బ్రిడ్జి కూలిపోయింది. వంతెన అంచుభాగంలో నిల్చున్న నాయక్కు త్రుటిలో ప్రమాదం తప్పింది.
ఈ ఘటనలో నలుగురు వ్యక్తులు గాయపడగా.. వారిని ఆస్పత్రికి తరలించారు. ప్రస్తుతం వారి పరిస్థితి విషమంగా ఉన్నట్టు తెలుస్తోంది.
ఇదీ చదవండి: గుండె భాష వినండి- ప్రమాదాన్ని ముందే పసిగట్టండి
