ఇవాళ జరగనున్న భారత పరిశ్రమల సమాఖ్య(సీఐఐ) 125వ వార్షికోత్సవంలో ప్రధానమంత్రి నరేంద్ర మోదీ పాల్గొననున్నారు. కార్యక్రమంలో భాగంగా 'గెట్టింగ్ గ్రోత్ బ్యాక్'(వృద్ధిని తిరిగి సాధించడం) అనే అంశంపై మోదీ ప్రసంగించనున్నారు. లాక్డౌన్ కారణంగా తాత్కాలికంగా మూతపడిన కంపెనీలు తిరిగి ప్రారంభమవుతున్న నేపథ్యంలో మోదీ ప్రసంగానికి ప్రాధాన్యం సంతరించుకుంది.
భారత పరిశ్రమల సమాఖ్య 1895లో ప్రారంభమైంది. ఈ ఏడాదికి 125 ఏళ్లు పూర్తి చేసుకుంటున్న సందర్భంగా సంస్థ వార్షికోత్సవాన్ని నిర్వహిస్తోంది. వీడియో కాన్ఫరెన్స్ ద్వారా రోజంతా ఈ కార్యక్రమం జరగనుంది.
ఈ వార్షికోత్సవానికి పిరమల్ గ్రూప్ చైర్మన్ అజయ్ పిరమల్, ఐటీసీ లిమిటెడ్ సీఎండీ సంజీవ్ పూరి, బయోకాన్ సీఎండీ కిరణ్ మజుందార్-షా, ఎస్బీఐ చైర్మన్ రజనీష్ కుమార్, కోటక్ మహీంద్రా బ్యాంక్ సీఈఓ ఉదయ్ కోటక్, సీఐఐ అధ్యక్షుడు విక్రమ్ కిర్లోస్కర్ పాల్గొన్ననున్నారు.
ఇదీ చదవండి: 'నిసర్గ'పై అమిత్ షా సమీక్ష.. ఆ రాష్ట్రాలకు హామీ
