వచ్చే ఏడాది కూడా పరీక్ష రాసేందుకు మరో అవకాశం ఇవ్వాలన్న సివిల్స్ ఆశావహుల డిమాండ్ను పరిశీలిస్తామని కేంద్రం సుప్రీంకోర్టుకు తెలిపింది.
కరోనా కారణంగా ఈ ఏడాది పరీక్షలకు సరిగ్గా సన్నద్ధం కాలేకపోయామని, తమ వయోపరిమితికి.. వచ్చే ఏడాదికి అర్హులం కాదని 24 మంది యూపీఎస్సీ ఆశావహులు సుప్రీంను ఆశ్రయించారు. ఈ రిట్ పటిషిన్పై విచారణ జరిపిన సర్వోన్నత న్యాయస్థానం యూపీఎస్సీ అధికారులే ఈ విషయంపై నిర్ణయం తీసుకోవాలని సూచించింది. ఒకవేళ అధికారుల నిర్ణయం సంతృప్తికరంగా లేకపోతే సివిల్స్ ఆశావహులు న్యాయస్థానంలో సవాల్ చేయవచ్చని జస్టిస్ ఏఎం ఖన్వింకర్ నేతృత్వంలోని ధర్మాసనం స్పష్టం చేసింది.
