ఉత్తర్ ప్రదేశ్ హాథ్రస్ బాధితురాలి ఇంటి చుట్టూ 60 మంది పోలీసులను మోహరించినట్లు తెలిపారు లఖ్నవూ డీఐజీ శలభ్ మాథుర్. కుటుంబంలో ఒక్కో సభ్యుడికి ఇద్దరు సెక్యూరిటీ సిబ్బంది భద్రత కల్పిస్తున్నారని పేర్కొన్నారు. బుల్గర్హి ప్రాంతంలోని ఇంటి చుట్టూ 8 సీసీటీవీలు అమర్చామని, అవసరమైతే గ్రామంలో ఓ కంట్రోల్ రూం కూడా ఏర్పాటు చేస్తామని తెలిపారు.
"ఇంటి చుట్టూ 60 మంది పోలీసు ఇబ్బందిని మోహరించాం. సిబ్బందిని పర్యవేక్షించడానికి ఓ గెజిటెడ్ అధికారిని కూడా నియమించనున్నాం. సీసీటీవీ కెమెరాల సహాయంతో బాధితురాలి ఇంటిని పర్యవేక్షిస్తున్నాం."
-శలభ్ మాథుర్, డీజీపీ
కుటుంబ సభ్యులను కలిసేందుకు వచ్చేవారి వివరాలు సేకరించేలా బాధితురాలి ఇంటి ద్వారం వద్ద ఓ రిజిస్టర్ ఏర్పాటు చేశామన్నారు హాథ్రస్ ఎస్పీ వినీత్ జైస్వాల్.
"ఇంటి ద్వారం వద్ద రిజిస్టర్, మెటల్ డిటెక్టర్ యంత్రాలను ఏర్పాటు చేశాం. తక్షణ స్పందన బృందాలను మోహరించాం. ఎనిమిది సీసీటీవీ కెమెరాలతో భద్రత కల్పిస్తున్నాం. "
-వినీత్ జైస్వాల్, హాథ్రస్ ఎస్పీ
ఇదీ చదవండి: బంగాల్లో రాజుకున్న వేడి- దీదీ సర్కారుకు తిప్పలేనా ?
