బాబ్రీ కేసులో రాజస్థాన్ మాజీ గవర్నర్ కల్యాణ్ సింగ్ను విచారించేందుకు ప్రత్యేక కోర్టును అనుమతి కోరింది సీబీఐ. ఇప్పటి వరకు రాజ్యాంగ పదవిలో ఉన్న కారణంగా కల్యాణ్ సింగ్కు విచారణ నుంచి విముక్తి లభించింది. ప్రస్తుతం పదవీకాలం ముగియటం వల్ల పునర్విచారణకు అనుమతించాలని దరఖాస్తు దాఖలు చేసింది సీబీఐ.
సెప్టెంబర్ 3తో పదవీ కాలం ముగిసిన నేపథ్యంలో సీబీఐ దరఖాస్తును స్వీకరించింది కోర్టు. దీనిపై బుధవారం విచారణ జరిగే అవకాశం ఉంది. ఇదే కేసులో భాజపా అగ్రనేతలు ఎల్కే అడ్వాణీ, మురళి మనోహర్ జోషీ నిందితులుగా ఉన్నారు.
భాజపాలో చేరిన సింగ్
గవర్నర్గా పదవీకాలం ముగించుకున్న 87 ఏళ్ల కల్యాణ్ సింగ్ నేడు మళ్లీ క్రియాశీల రాజకీయాల్లోకి ప్రవేశించారు. లఖ్నవూలో భాజపా సీనియర్ నేతల సమక్షంలో పార్టీలో చేరారు. యూపీ రాష్ట్ర శాఖ అధ్యక్షుడు స్వతంత్రదేవ్.. కల్యాణ్ సింగ్కు పార్టీ సభ్యత్వం అందజేశారు.
1992లో బాబ్రీ ఘటన సమయంలో ఉత్తరప్రదేశ్ ముఖ్యమంత్రిగా ఉన్నారు కల్యాణ్ సింగ్. 1993లో ఆయనపై ఛార్జిషీటు నమోదయింది. ఈ కేసులో నిందితులుగా ఉన్న అందరూ బెయిల్పై ఉన్నారు.
ఇదీ చూడండి: కేంద్ర రవాణాశాఖ మంత్రికే తప్పని ట్రాఫిక్ చలానా!
