బాబ్రీ మసీదు కేసులో ఉత్తర్ప్రదేశ్ మాజీ ముఖ్యమంత్రి, భాజపా నేత కల్యాణ్సింగ్కు సీబీఐ ప్రత్యేక కోర్టు సమన్లు జారీ చేసింది. సెప్టెంబర్ 27న లఖ్నవూలోని న్యాయస్థానం ముందు హాజరు కావాలని ఆదేశించింది.
1992లో బాబ్రీ మసీదు ఘటన జరిగినప్పుడు కల్యాణ్సింగ్ ఉత్తర్ప్రదేశ్ సీఎంగా ఉన్నారు. 1993లో ఆయనపై ఛార్జిషీటు నమోదైంది. అయితే... తదనంతర కాలంలో రాజస్థాన్ గవర్నర్ అయ్యారు కల్యాణ్ సింగ్. రాజ్యాంగపరంగా ఉన్న రక్షణల కారణంగా బాబ్రీ మసీదు కేసులో నిందితుడిగా ఆయన్ను విచారించడం సాధ్యపడలేదు.
సెప్టెంబర్ 3న రాజస్థాన్ గవర్నర్గా పదవీకాలం ముగిసిన నేపథ్యంలో కల్యాణ్ను విచారించేందుకు ప్రత్యేక కోర్టును అనుమతి కోరింది సీబీఐ. ఈ అభ్యర్థనపై స్పందించిన న్యాయస్థానం... సింగ్కు సమన్లు జారీచేసింది.
ఇదే కేసులో భాజపా అగ్రనేతలు ఎల్కే అడ్వాణీ, మురళి మనోహర్ జోషి నిందితులుగా ఉన్నారు.
ఇదీ చూడండి:'హౌడీ మోదీ'తో ఆ దేశాలకు ట్రంప్ హెచ్చరికలు!
