బ్రిటన్ ప్రధాని బోరిస్ జాన్సన్ భారత పర్యటన రద్దు చేసుకోవడం తాము సాధించిన గొప్ప విజయమని పేర్కొన్నాయి రైతు సంఘాలు. దీనిని ప్రభుత్వ ఓటమిగా అభివర్ణించాయి. బోరిస్ నిర్ణయంతో ప్రపంచవ్యాప్తంగా తమకు మద్దతు లభిస్తుందని స్పష్టమైందని ప్రకటించుకున్నాయి.
"యూకే ప్రధాని భారత్ పర్యటన రద్దు.. మేము సాధించిన రాజకీయ విజయం, మోదీ సర్కారుకు దౌత్యపరమైన ఓటమి. ప్రపంచవ్యాప్తంగా రాజకీయ, సామాజిక సంస్థల మద్దతు మాకు లభిస్తుంది. రైతుల ఉద్యమం ఇప్పుడు ప్రజాఉద్యమంగా మారబోతుంది" అని సంయుక్త కిసాన్ మోర్చా ఓ ప్రకటనలో పేర్కొంది.
బోరిస్ జాన్సన్.. 2021 జనవరి 26న గణతంత్ర దినోత్సవానికి ముఖ్య అతిథిగా హాజరు కావాల్సి ఉంది. అయితే బ్రిటన్లో కొత్త కరోనా వైరస్ స్ట్రెయిన్ విజృంభిస్తున్న నేపథ్యంలో తాను రాలేక పోతున్నట్లు ప్రధాని నరేంద్ర మోదీకి ఫోన్ చేసి చెప్పారు జాన్సన్.
ఇదీ చూడండి: బ్రిటన్ ప్రధాని భారత పర్యటన వాయిదా
