బోరు బావిలో వ్యక్తి.. సహాయ చర్యలు ముమ్మరం

కర్ణాటక ఉడిపిలో ఓ వ్యక్తి బోరుబావిలో పడిపోయాడు. ఒక అడుగు వెడల్పుతో ఇరుకుగా ఉండే బోరుబావిలో అంతెత్తు మనిషి 15 అడుగుల లోతుకు పడిపోవడం స్థానికులను కలచివేస్తోంది. ప్రస్తుతం అతడిని కాపాడేందుకు అధికారులు సహాయ చర్యలు చేపట్టారు.

కర్ణాటక ఉడిపిలో అనూహ్య ప్రమాదం చోటుచేసుకుంది. బైందోరు సమీపంలోని మారవంతె గ్రామానికి చెందిన రోహిత్​ ఖార్వీ అకస్మాత్తుగా బోరుబావిలోకి పడిపోయాడు. భూమి కుంగిపోవడం వల్లే ఆ వ్యక్తి పడిపోయాడని అధికారులు తెలిపారు.

సాధారణంగా బోరుబావి ఒకటి లేదా రెండు అడుగుల వెడల్పు ఉంటుంది. గ్రామంలో తవ్విన ఓ బోరు బావి పక్కన నిల్చున్నాడు రోహిత్​.. అంతే, ఒక్కసారిగా అతడు నిల్చున్న ప్రదేశం 15 అడుగుల లోతుకు కుంగిపోయింది. క్షణాల్లో గుంత ఏర్పడి అందులో చిక్కుకుపోయాడు​.

ప్రస్తుతం రోహిత్​ను బయటకు తీసేందుకు అధికారులు, సిబ్బంది తీవ్రంగా శ్రమిస్తున్నారు.

ఇదీ చదవండి:స్ఫూర్తి: అతడు వీరప్పన్ దోస్త్.. ఆమె ఓ దోషి.. అయినా!