మధ్యప్రదేశ్ అధికార కాంగ్రెస్లో సంక్షోభాన్ని అనుకూలంగా మార్చుకునే ప్రయత్నాలు ముమ్మరం చేస్తోంది ప్రతిపక్ష భాజపా. 22 మంది శాసనసభ్యుల రాజీనామా నేపథ్యంలో కమల్నాథ్ సర్కార్పై అవిశ్వాస తీర్మానానికి సిద్ధమవుతోంది.
"ప్రస్తుతం అధికార పార్టీకి అసెంబ్లీలో పూర్తి స్థాయి మెజారీటీ లేదు. ఈ నెల 16న రాష్ట్ర బడ్జెట్ సమావేశాలు ప్రారంభం కానున్న నేపథ్యంలో కమల్నాథ్ ప్రభుత్వానికి విశ్వాస పరీక్ష నిర్వహించాలని రాష్ట్ర గవర్నర్, అసెంబ్లీ స్పీకర్కు వినతి పత్రాన్ని అందజేస్తాము. 22 ఎమ్మెల్యేల రాజీనామాలు గవర్నర్, స్పీకర్ వద్ద ఉన్నాయి. వాటిపై నిర్ణయం తీసుకోవాల్సింది వారే."
-నరోత్తం మిశ్రా, భాజపా విప్.
మధ్యప్రదేశ్ శాసనసభలో మొత్తం సీట్ల సంఖ్య 230. ప్రస్తుతం 228 మంది సభ్యులు ఉన్నారు. అధికార కాంగ్రెస్కు ఇంతకుముందు వరకు 114 మంది ఎమ్మెల్యేలతో పాటు నలుగురు స్వతంత్రులు, ఇద్దరు బీఎస్పీ, ఒకరు ఎస్పీ ఎమ్మెల్యేల మద్దతు ఉంది. ఇప్పుడు 22 మంది తిరుగుబాటు ఎమ్మెల్యేల రాజీనామాలు ఆమోదిస్తే.. అసెంబ్లీలో ఎమ్మెల్యేల సంఖ్య 206కు పడిపోతుంది. కాంగ్రెస్ బలం 92కు చేరుతుంది. ప్రభుత్వ ఏర్పాటుకు కావాల్సిన మెజారిటీ బలం 104కు చేరుకోవటం వల్ల భాజపాకు ఉన్న 107 స్థానాలతో ప్రభుత్వ ఏర్పాటుకు మార్గం సుగమం అవుతుంది.
ఇదీ చూడండి:హిమాచల్ హిమమయం- రాకపోకలకు అంతరాయం
