ఎన్డీఏ నుంచి బయటకు వచ్చిన ఎల్జేపీ అధినేత చిరాగ్ పాసవాన్ లక్ష్యంగా భారతీయ జనతా పార్టీ విమర్శలు చేసింది. ఎన్నికల సమయంలో ఓటర్లను గందరగోళానికి గురిచేస్తున్నారని ఆరోపించింది. ఎల్జేపీతో ఎలాంటి సంబంధాలు లేవని స్పష్టం చేసింది.
ఇదీ చదవండి: 'జేడీయూను మేం మొదటి నుంచీ వ్యతిరేకిస్తున్నాం'
బిహార్ ఎన్డీఏలో జేడీయూ, జీతన్రాం మాంఝీకి చెందిన హెచ్ఏఎం(ఎస్), వికాస్శీల్ ఇన్సాన్ పార్టీలు మాత్రమే ఉన్నాయని భాజపా సీనియర్ నేత ప్రకాశ్ జావడేకర్ స్పష్టం చేశారు. ఎన్డీఏ నాలుగింట మూడొంతుల మెజారిటీతో గెలుపొందుతుందని జోస్యం చెప్పారు. ఓట్లు చీల్చేడం మినహా ఎల్జేపీ ఇంకేం చేయలేదని, ఈ విషయంలోనూ పెద్దగా ప్రభావం చూపదని అన్నారు.
ఇదీ చదవండి: బిహార్ బరి: రాజకీయ వేడి పెంచుతోన్న 'ఎల్జేపీ' లేఖ
"మాకు (ఎల్జేపీతో) ఎలాంటి సంబంధాలు లేవని స్పష్టం చేయాలనుకుంటున్నా. ఇలాంటి గందరగోళం సృష్టించే రాజకీయాలు మాకు నచ్చవు."
-ప్రకాశ్ జావడేకర్, భాజపా సీనియర్ నేత
చిరాగ్ అబద్ధపు రాజకీయాలు చేస్తున్నారని భాజపా ప్రధాన కార్యదర్శి భూపేందర్ యాదవ్ అన్నారు. ఫిబ్రవరిలోనూ బిహార్ ప్రభుత్వాన్ని ప్రశంసించారని గుర్తుచేశారు.
"చిరాగ్ భ్రమలో ఉండకూడదు. భ్రమను కలిగించకూడదు, భ్రమను వ్యాప్తి చేయకూడదు."
-భూపేందర్ యాదవ్, భాజపా ప్రధాన కార్యదర్శి
ఎన్డీఏ నుంచి బయటకు వచ్చిన పాసవాన్ భాజపాకు విధేయుడిగానే ఉంటానని చెబుతూ వస్తున్నారు. ప్రధాని మోదీ, హోంమంత్రి అమిత్ షాపై ప్రశంసలు కురిపిస్తున్నారు. తమ సమస్య జేడీయూ అధ్యక్షుడు, బిహార్ ముఖ్యమంత్రి నితీశ్ కుమార్తోనే అని స్పష్టం చేస్తున్నారు. నితీశ్ లక్ష్యంగా మాటల దాడి పెంచారు. దీంతో భాజపా, ఎల్జేపీ మధ్య వ్యూహాత్మకమైన ఒప్పందం ఉందనే అనుమానాలు వెల్లువెత్తాయి.
మూడు దశల్లో జరగనున్న బిహార్ అసెంబ్లీ ఎన్నికలు అక్టోబర్ 28న ప్రారంభం కానున్నాయి. నవంబర్ 10 ఫలితాలు వెల్లడవుతాయి.
ఇవీ చదవండి:
