భారత్-నేపాల్ మధ్య మరో వివాదం తెరపైకి వచ్చింది. తాజాగా బిహార్లోని పంతోక గ్రామానికి సమీపంలో ఉన్న సరిహద్దు వద్ద ఓ వాచ్ టవర్ను నిర్మించింది నేపాల్. ఇది నేపాల్ సైనికుల గస్తీకి ఉపయోగపడనుంది.
అయితే ఈ వాచ్ టవర్ వివాదానికి చైనా పరోక్ష కారణమని తెలుస్తోంది. వాచ్ టవర్ను ఏర్పాటు చేయడానికి నేపాల్పై చైనా ఒత్తిడి పెంచినట్టు సమాచారం. భారత్ వ్యవహారాలపై నిఘా పెట్టడానికే నేపాల్ను చైనా ఈ విధంగా ప్రోత్సహించి ఉండొచ్చు.
స్తంభం నెం 392/13- స్తంభం నెం 392/18 మధ్య ఈ టవర్ను నిర్మించింది నేపాల్.
అయితే సరిహద్దు గుర్తింపు కోసం ఏర్పాటు చేసిన రెండు స్తంభాల మధ్య ఉండాల్సిన ఓ చిన్న స్తంభం కనపడటం లేదని సశస్త్ర సీమా బల్ అధికారులు వెల్లడించారు.
మరోవైపు నేపాల్ చర్యలపై బీహార్ ప్రభుత్వం తీవ్ర అసహనం వ్యక్తం చేస్తోంది. గండక్ బ్యారేజీపై మరమ్మతు పనులను నేపాల్ ప్రభుత్వం అడ్డుకోవటంపై ఇప్పటికే మండిపడ్డారు బిహార్ ముఖ్యమంత్రి నితిశ్ కుమార్. ఈ బ్యారేజీ వల్ల బిహార్, ఉత్తరప్రదేశ్ రాష్ట్రాలతో పాటు నేపాల్లోని టెరాయ్ ప్రాంతాల ప్రజలు ఎంతో ప్రయోజనం పొందుతున్నారు. రెండు దేశాలు కలిసి బ్యారేజీ 18 గేట్లను పంచుకున్నాయి.
ఇదీ చూడండి:'పార్లమెంట్ సమావేశాలను వర్చువల్ విధానంలో నిర్వహించాలి'
