కశ్మీర్​లో ఉగ్రవాదుల కాల్పులు.. నలుగురికి గాయాలు

జమ్ముకశ్మీర్​​ బారాముల్లా జిల్లా దంగెర్​పొరాలో ఓ కుటుంబంపై కాల్పులకు తెగబడ్డారు ఉగ్రవాదులు. ఈ దుర్ఘటనలో ఓ చిన్నారి సహా నలుగురు తీవ్రంగా గాయపడ్డారు. క్షతగాత్రులను ఆస్పత్రికి తరలించారు.

కశ్మీర్​లో మరోసారి ఉగ్రవాదులు రెచ్చిపోయారు. బారాముల్లా జిల్లా దంగెర్​పొరాలో ఓ ఇంట్లోకి చొరబడి కాల్పులకు తెగబడ్డారు.

ఈ దుశ్చర్యతో కుటుంబంలోని ఓ చిన్నారి సహా నలుగురు తీవ్రంగా గాయపడ్డారు. క్షతగాత్రులను ఆస్పత్రికి తరలించారు. ప్రస్తుతం వారి ఆరోగ్య పరిస్థితి నిలకడగా ఉన్నట్లు తెలిపారు వైద్యులు. ఘటనా స్థలానికి చేరుకున్న పోలీసులు దర్యాప్తు చేపట్టారు.

ఇదీ చూడండి: చంద్రయాన్​-2: 'ల్యాండర్ కష్టమే- ఆర్బిటర్ భద్రం'