వివాదాస్పద అయోధ్య కేసుపై సుప్రీంకోర్టు 8వ రోజు విచారణ చేపట్టింది. పిటిషనర్ రామ్లల్లా తరఫున న్యాయవాది వైద్యనాథన్ వాదనలు వినిపించారు. అయోధ్యలో హిందూ ఆలయం స్థానంలో మసీదును నిర్మించారని ప్రధాన న్యాయమూర్తి జస్టిస్ రంజన్ గొగొయ్ నేతృత్వంలోని ధర్మాసనానికి వైద్యనాథన్ నివేదించారు.
తన వాదనకు బలాన్ని చేకూర్చడానికి పురావస్తుశాఖ(ఏఎస్ఐ) నివేదికను ప్రస్తావించారు వైద్యనాథన్. వివాదాస్పద భూమి వద్ద మొసలి, తాబేలు చిత్రాలున్నాయని... వాటితో మస్లిం సంప్రదాయానికి సంబంధం లేదని వివరించారు.
అయోధ్య కేసు పరిష్కారంలో 'మధ్యవర్తిత్వం' విఫలమవడం వల్ల రోజువారీ విచారణ జరపడానికి అత్యున్నత న్యాయస్థానం ఇటీవలే నిర్ణయించింది. అయితే జస్టిస్ బాబ్డే అందుబాటులో లేకపోవడం వల్ల సోమవారం సుప్రీంకోర్టులో అయోధ్య కేసు విచారణ జరగలేదు.
ఇదీ చూడండి:- చందమామ కక్ష్యలోకి ప్రవేశించిన చంద్రయాన్-2
