సీనియర్‌ న్యాయవాది కేకే వేణుగోపాల్‌ను మరో ఏడాదిపాటు అటార్నీ జనరల్‌గా కొనసాగిస్తున్నట్లు కేంద్ర న్యాయశాఖ మంత్రి రవిశంకర్ ప్రసాద్ వెల్లడించారు. ఈ నెలాఖరుతో కేకే వేణుగోపాల్ పదవీకాలం ముగియనున్న నేపథ్యంలో కేంద్రం ఈ నిర్ణయం తీసుకుంది. ‘
''మూడేళ్లుగా అటార్నీ జనరల్‌గా కేకే వేణుగోపాల్ అందిస్తున్న సేవలు అభినందనీయం. మరో ఏడాదిపాటు కొనసాగాలని కోరగా ఆయన అంగీకరించారు.'' అని రవిశంకర్ ప్రసాద్ తెలిపారు. 'ఏడాది ముగిసేనాటికి నా వయసు 90కి చేరుకుంటుంది. నాకు తెలిసి ప్రపంచంలో ఈ వయసులో పనిచేసే అటార్నీ జనరల్ లేదా న్యాయ అధికారి ఎవరూ లేరు' అని కేకే వేణుగోపాల్ అన్నారు.
ఇదీ చూడండి: 'భారతీయ మహిళలకు వైరస్ ముప్పు అధికం'
