ఫ్రాన్స్ అధ్యక్షుడు ఇమ్మాన్యుయెల్ మెక్రాన్ ఆహ్వానం మేరకు జీ-7 సమావేశాలకు ప్రత్యేక అతిథిగా వెళ్లిన ప్రధాని నరేంద్ర మోదీ అంతర్జాతీయ నేతలను ఉద్దేశించి ప్రసంగించారు. ముఖ్యంగా పునర్వినియోగానికి పనికారని ప్లాస్టిక్ను భారత్ నుంచి తొలగించేందుకు చేపడుతున్న చర్యలను వివరించినట్లు భారత విదేశీ మంత్రిత్వశాఖ ప్రతినిధి రవీశ్ కుమార్ ట్వీట్ చేశారు.
నీటి సంరక్షణ, సౌరశక్తి వినియోగం, వృక్ష- జంతు సంపద కాపాడుకునేందుకు అనుసరిస్తోన్న విధానాలను జీ-7 సదస్సులో మోదీ వినిపించినట్లు రవీస్ పేర్కొన్నారు.
యునెస్కోలో..
ఫ్రాన్స్ రాజధాని పారిస్‌లోని యునెస్కో ప్రధాన కార్యాలయంలో ఆగస్టు 23న నిర్వహించిన కార్యక్రమంలో వాతావరణ మార్పులపై భారత సంతతి ప్రజలనుద్దేశించి ప్రధాని మోదీ ప్రసంగించారు. వాతావరణ మార్పులపై కాన్ఫరెన్స్ ఆఫ్ ది పార్టీస్ (సీఓపీ-21) 2030కి నిర్దేశించిన లక్ష్యాలను రాబోయే ఏడాది లేదా ఏడాదిన్నరలో పూర్తి చేస్తామని తెలిపారు.
- ఇదీ చూడండి: ట్రంప్ చెణుకుకు మోదీ సమాధానమేమిటో తెలుసా!
