హైబ్రిడ్ యుద్ధాలను ఎదుర్కొనేందుకు సాయుధ బలగాలు ఎల్లవేళలా సిద్ధంగా ఉండాలని వాయుసేన అధిపతి ఆర్కేఎస్ భదౌరియా అన్నారు. పుణెలో జరిగిన నేషనల్ డిఫెన్స్ అకాడెమీ క్యాడెట్ల పాసింగ్ ఔట్ పరేడ్లో పాల్గొన్న ఆయన.. వారిని ఉద్దేశించి మాట్లాడారు.
"ఎన్డీఏ 139వ పరేడ్లో పాల్గొనటం గౌరవంగా భావిస్తున్నా. బహుళ సరిహద్దుల్లో పొంచి ఉన్న 'హైబ్రిడ్ యుద్ధం' ముప్పును ఎదుర్కొనేందుకు సాయుధ బలగాలు సిద్ధంగా ఉండాలి. అన్ని వేళలా వివేకం, అంకితభావం, నిబద్ధత, త్యాగం, నాయకత్వాన్ని ప్రదర్శించాలి. ఇదే మీ నుంచి దేశం కోరుకునేది. "
- ఆర్కేఎస్ భదౌరియా, వాయుసేన చీఫ్
ప్రపంచంలోనే అత్యుత్తమ శిక్షణా సంస్థల్లో ఎన్డీఏ ఒకటని కొనియాడారు భదౌరియా. వర్ధమాన సైనిక అధికారిగా ప్రపంచవ్యాప్తంగా ఉన్న భౌగోళిక రాజకీయ అంశాలు మన పరిసరాల్లోని భద్రతా వాతావరణంపై ప్రత్యక్ష ప్రభావాన్ని చూపుతాయని మీరు అర్థం చేసుకోవాలని సూచించారు.
ఇదీ చూడండి: మరోసారి పాక్ దుర్నీతి.. జమ్ముకశ్మీర్లో కాల్పులు
