'చైనా ఆక్రమణలపై నిగ్గు తేల్చేందుకు కమిటీ వేయాలి'

చైనా ఆక్రమణలపై స్వతంత్ర నిజ నిర్ధరణ కమిటీని నియమించాలని కేంద్రాన్ని కాంగ్రెస్ అగ్రనేత రాహుల్ గాంధీ కోరారు. సరిహద్దులకు సంబంధించి రక్షణ నిపుణుల సూచనల మేరకు ప్రభుత్వం జవాబుదారీగా ఉండాలని అన్నారు.

సరిహద్దులకు సంబంధించి రక్షణ నిపుణుల అభిప్రాయాలను పరిగణనలోకి తీసుకోవాలని కాంగ్రెస్ అగ్రనేత రాహుల్ గాంధీ.. కేంద్ర ప్రభుత్వాన్ని కోరారు. 'భారత్​, చైనా ప్రతిష్టంభన: జవాబుదారీతనం, సంస్కరణల కోసం కేంద్రానికి 144 మంది మాజీ సైనికుల లేఖ' అనే వార్తా కథనాన్ని జోడిస్తూ ఈ మేరకు ట్వీట్ చేశారు రాహుల్.

రాహుల్ గాంధీ ట్వీట్

"భారత భూభాగాన్ని చైనా ఆక్రమించకుండా కేంద్రం తీసుకున్న చర్యలను దేశ ప్రజలకు తెలియజేయాలి. సరిహద్దులకు అంశాలకు సంబంధించి రక్షణ అనుభవజ్ఞుల సూచనలు పరిగణనలోకి తీసుకోవాలి. చైనా చొరబాట్లు, ఆక్రమణలను గుర్తించేందుకు స్వతంత్ర నిజనిర్ధరణ కమిటీని నియమించాలి."

- రాహుల్ గాంధీ, కాంగ్రెస్ అగ్రనేత

గల్వాన్​లో హింసాత్మక ఘర్షణల తర్వాత నుంచి కేంద్రంపై తీవ్రస్థాయిలో విమర్శలు గుప్పిస్తున్నారు రాహుల్. చైనా ఆక్రమణలకు ప్రధాని నరేంద్రమోదీ లొంగిపోయారని ధ్వజమెత్తారు.

నిశితంగా పరిశీలిస్తున్నాం..

ప్రస్తుతం భారత్, చైనా సరిహద్దుల్లో బలగాల ఉపసంహరణ, ఉద్రిక్తతల తగ్గింపు చర్యలను స్వాగతిస్తున్నామని కాంగ్రెస్​లోని మరో సీనియర్ నేత పి.చిదంబరం పేర్కొన్నారు. రెండు దేశాల శాంతి ప్రక్రియ, పురోగతిని నిశితంగా పరిశీలిస్తున్నట్లు తెలిపారు.

ఇదీ చూడండి: సరిహద్దుల్లో శాంతి స్థాపనకు భారత్​, చైనా అంగీకారం