పార్టీ పేరులో మార్పు లేదు : తృణమూల్ కాంగ్రెస్​

పార్టీ పేరు మార్పుపై వస్తున్న వార్తలను ఖండించింది తృణమూల్​. ఆల్​ ఇండియా తృణమూల్​ కాంగ్రెస్ పేరులో ఎటువంటి మార్పు చేయలేదని స్పష్టం చేసింది.

పార్టీ పేరు నుంచి 'కాంగ్రెస్​' పదాన్ని తొలగించారన్న వార్తలను ఖండించింది 'ఆల్​ ఇండియా తృణమూల్​ కాంగ్రెస్'. పశ్చిమ బంగ ముఖ్యమంత్రి మమతా బెనర్జీ నేతృత్వంలోని ​ ఆ పార్టీ ప్రస్తుతం అధికారంలో ఉంది.

సార్వత్రిక ఎన్నికల వేళ తృణమూల్​ పార్టీ పేరు మారిందన్న వార్తలు సామాజిక, ప్రసార మాధ్యమాల్లో చక్కర్లు కొట్టింది. పార్టీ లోగో, బ్యానర్లు, గోడ పత్రికల్లో 'కాంగ్రెస్​' అనే పదాన్ని తొలగించారని ప్రచారం జరిగింది. ఈ నేపథ్యంలో ఇలాంటి వార్తలను ప్రజలు నమ్మవద్దని ఆ పార్టీ విజ్ఞప్తి చేసింది.

కేంద్ర ఎన్నికల సంఘం వద్ద 1998 జనవరి 1న 'ఆల్​ ఇండియా తృణమూల్ కాంగ్రెస్' రిజిస్టర్​ అయింది. ఎన్నికల సంఘం ఆ పార్టీకి 'గడ్డి, పూలు' గుర్తును కేటాయించింది. ఆ తర్వాత మమత నేతృత్వంలోని తృణమూల్​ కాంగ్రెస్.... బలమైన కమ్యూనిస్ట్​ పార్టీ ఆఫ్​ ఇండియా (మార్క్సిస్ట్)ని ఓడించి ప్రభుత్వాన్ని ఏర్పాటుచేసింది.