రాంచీ విమానాశ్రయంలో ఎయిర్ఏషియా విమానం ప్రమాదం నుంచి త్రుటిలో బయటపడింది. ముంబయి వెళ్లడం కోసం టేకాఫ్ చేస్తుండగా.. ఓ పక్షి విమానాన్ని ఢీకొంది. ఈ నేపథ్యంలో టేకాఫ్ను నిలిపివేశారు పైలట్లు.
"ఎయిర్ఏషియా ఎయిర్క్రాఫ్ట్ వీటీ-హెచ్కేజీ ఫ్లైయిట్ ఐ5-632 రాంచీ నుంచి ముంబయికి వెళ్లాల్సి ఉంది. ఆగస్టు 8, 11:50గంటల సమయంలో టేకాఫ్ చేస్తుండగా విమానాన్ని ఓ పక్షి ఢీకొంది."
-- ఎయిర్ఏషియా ప్రతినిధి.
టేకాఫ్ను నిలిపివేసిన అనంతరం విమానాన్ని క్షుణ్నంగా పరీక్షిసున్నట్టు విమాన సంస్థ ప్రతినిధి వెల్లడించారు. అన్ని అనుమతులు అందిన వెంటనే తిరిగి విమానం బయలుదేరుతుందని స్పష్టం చేశారు. ప్రయాణికులు, సిబ్బంది భద్రతే ఎయిర్ఏషియాకు అత్యంత ప్రాధాన్యమైన విషయమని పేర్కొన్నారు.
ఇవీ చూడండి:-
