Border Gavaskar Trophy 2025 : ఇటీవలే ఆసీస్తో జరిగిన బోర్డర్ - గావస్కర్ ట్రోఫీలో టీమ్ఇండియాకు చుక్కెదురైంది. పదేళ్ల తర్వాత ఆసీస్ 3-1 తేడాతో సిరీస్ను కైవసం చేసుకుంది. ఈ క్రమంలో బోర్డర్- గావస్కర్ ట్రోఫీలో ఇరు జట్ల నుంచి కొందరు ప్లేయర్లు ఘోరంగా విఫలమయ్యారు. ఈ వివరాలు ఈ స్టోరీలో తెలుసుకుందాం.
బోర్డర్- గావస్కర్ ట్రోఫీలో భారత స్టార్ బ్యాటర్లు విరాట్ కోహ్లీ, రోహిత్ శర్మ నిలకడలేని ఆటతీరుతో విఫలమయ్యారు. అంచనాలకు తగ్గట్టు రాణించడంలో ఫెయిల్ అయ్యారు. దీంతో వీరిపై తీవ్ర విమర్శలు వచ్చాయి. అయితే వీరిలాగే మరో ముగ్గురు ప్లేయర్లూ ఈ ట్రోఫీలో ఫామ్ లేమితో ఇబ్బందిపడ్డారు. వారెవరో చూద్దామా?
ఉస్మాన్ ఖవాజా
ఆసీస్ ఓపెనర్ ఉస్మాన్ ఖవాజా బోర్డర్- గావస్కర్ ట్రోఫీలో విఫలమయ్యాడు. సిడ్నీ టెస్టు మినహా మిగతా ఏ మ్యాచ్ లోనూ రాణించలేకపోయాడు. 10 ఇన్నింగ్స్ ల్లో కేవలం 184 పరుగులు మాత్రమే చేశాడు.
మిచెల్ మార్ష్
అలాగే ఆసీస్ ఆల్ రౌండర్ మిచెల్ మార్ష్ కూడా బోర్డర్- గావస్కర్ ట్రోఫీలో విఫలమయ్యాడు. దీంతో ఐదో టెస్టుకు అతడి స్థానంలో వెబ్ స్టర్ కు చోటు దక్కింది.
శుభ్మన్ గిల్
టీమ్ఇండియా యంగ్ బ్యాటర్ శుభ్మన్ గిల్ ఆసీస్తో జరిగిన సిరీస్లో ఫెయిల్ అయ్యాడు. ఫామ్ లేమితో సతమతమయ్యాడు. మొత్తం ఐదు ఇన్నింగ్స్ ల్లో కేవలం 93 పరుగులు మాత్రమే చేశాడు.
విరాట్ కోహ్లీ
టీమ్ఇండియా రన్ మెషీన్ విరాట్ కోహ్లీ కూడా బోర్డర్- గావస్కర్ ట్రోఫీలో ఆశించినమేర రాణించలేకపోయాడు. 9 ఇన్నింగ్స్ లో 190 పరుగులే చేశాడు. అందులో ఒక సెంచరీ ఉంది.
రోహిత్ శర్మ
టీమ్ఇండియా కెప్టెన్ రోహిత్ శర్మ బోర్డర్- గావస్కర్ ట్రోఫీలో దారుణంగా విఫలమయ్యాడు. పెర్త్లో జరిగిన తొలి టెస్టుకు రోహిత్ దూరమయ్యాడు. ఆ తర్వాత అడిలైడ్లో జరిగిన రెండో టెస్టుకి అందుబాటులోకి వచ్చాడు. మొత్తం ఐదు ఇన్నింగ్స్ ల్లో 6.20 సగటుతో కేవలం 31 పరుగులు మాత్రమే చేశాడు. దీంతో రోహిత్పై తీవ్ర విమర్శలు వచ్చాయి. ఆఖరికి ఫామ్ లేమితో సిడ్నీ టెస్టుకు రోహిత్ తప్పుకున్నాడు. అతడి స్థానంలో బుమ్రా కెప్టెన్గా బాధ్యతలు స్వీకరించాడు.
'రోహిత్, విరాట్ల ఫ్యూచర్ ఇక సెలెక్టర్ల చేతిలోనే! - వాళ్లు ఆలోచించి సరైన నిర్ణయం తీసుకుంటారు'
ఛాంపియన్స్‌ ట్రోఫీ ఫైనల్ స్క్వాడ్లో సంజూ లేనట్లేనా? అన్యాయమంటూ ఫ్యాన్స్ ఫైర్!
