దేశ రాజధాని దిల్లీ మళ్లీ కాలుష్యం కోరలు చాస్తోంది. లాక్డౌన్ సమయంలో సాధారణ పరిస్థితులు నెలకొన్న రాజధాని నగరం విష కూపంలోకి జారుకుంటోంది. నగరంలోని రోహిణి, జహంగీర్పురిలో వాయు నాణ్యత భారీగా క్షీణించిందని దిల్లీ కాలుష్య నియంత్రణ కమిటీ (డీపీసీసీ) తెలిపింది.
రుతుపవనాల తిరోగమనం, స్థిరమైన గాలులు దిల్లీలో వాయునాణ్యతపై ప్రతికూల ప్రభావం చూపాయని డీపీసీసీ తెలిపింది.
ఈ ప్రాంతాల్లో..
జహంగీర్పురిలో 230, రోహిణిలో 206గా వాయునాణ్యత సూచీ (ఏక్యూఐ) నమోదైంది. దీన్ని కేంద్ర కాలుష్య నియంత్రణ బోర్డు తీవ్ర స్థాయిగా పరిగణిస్తుంది. ఈ గాలిలో ఎక్కువ సమయం ఉంటే శ్వాస ఇబ్బందులు తలెత్తుతాయి. ఆనంద్ విహార్లో మధ్యస్థంగా 178గా నమోదైంది.
వ్యవసాయ వ్యర్థాల కాల్చివేత..
మరోవైపు పంజాబ్, హరియాణాలోని దిల్లీ సరిహద్దు ప్రాంతాలలో వ్యవసాయ వ్యర్థాల కాల్చివేతలు పెరుగుతున్నాయని కేంద్ర వాయునాణ్యత, వాతావరణ పరిశోధన సంస్థ- 'సఫర్' తెలిపింది. వచ్చే రెండు రోజుల్లో వీటి ప్రభావం దిల్లీపై స్వల్పంగా ఉంటుందని స్పష్టం చేసింది.
ఇదీ చూడండి: లాక్డౌన్ వేళ... ఊపిరి హాయిగా
