రాజస్థాన్ ప్రభుత్వంపై తిరుగుబాటు బావుటా ఎగురవేసిన సచిన్ పైలట్ మనసు మార్చుకుని తిరిగి పార్టీలోకి వచ్చేందుకు చర్చలు జరుపుతున్నారు. ఈ మేరకు ఇవాళ కాంగ్రెస్ అగ్రనేత రాహుల్ గాంధీ, ప్రియాంక గాంధీలతో భేటీ అయ్యారు.
ఈ భేటీకి సంబంధించి కీలక విషయాలు వెల్లడించారు ఏఐసీసీ ప్రధాన కార్యదర్శి, సీనియర్ నేత కేసీ వేణుగోపాల్. పైలట్ లేవనెత్తిన సమస్యల పరిష్కారానికి ఏఐసీసీ ఆధ్వర్యంలో త్రిసభ్య కమిటీ ఏర్పాటుకు సోనియా గాంధీ నిర్ణయించినట్లు తెలిపారు.
" కాంగ్రెస్ మాజీ అధ్యక్షులు రాహుల్ గాంధీతో సచిన్ పైలట్ సమావేశమై తన సమస్యలను వివరించారు. వారి మధ్య స్పష్టమైన, వివరణాత్మక చర్చ జరిగింది. పైలట్ రాజస్థాన్లోని కాంగ్రెస్ పార్టీ, ప్రభుత్వ ప్రయోజనాల కోసం పనిచేయడానికి కట్టుబడి ఉన్నారు. ఈ సమావేశం తర్వాత పైలట్, ఆయన వర్గం ఎమ్మెల్యేలు లేవనెత్తిన సమస్యల పరిష్కారానికి ఏఐసీసీ ఆధ్వర్యంలో త్రిసభ్య కమిటీ ఏర్పాటు చేయాలని కాంగ్రెస్ అధ్యక్షురాలు సోనియా గాంధీ నిర్ణయించారు."
- కేసీ వేణుగోపాల్, ఏఐసీసీ ప్రధానకార్యదర్శి
ఇదీ చూడండి: సచిన్ పైలట్ యూటర్న్- రాహుల్తో చర్చలు!
