నిర్మాణంలో ఉన్న భవనం కూలి ఐదుగురు మృతి

కర్ణాటకలోని బెంగళూరు పులికేశి నగర్​లో నిర్మాణంలో ఉన్న భవనం కూలింది. ఈ ఘటనలో ఐదుగురు మృతి చెందారు. ఏడుగురు గాయపడ్డారు.

నిర్మాణంలో ఉన్న భవనం కూలి.. ఐదుగురు మృతి చెందిన ఘటన కర్ణాటకలో చోటుచేసుకుంది. బెంగళూరులోని పులికేశినగర్​లో జరిగిన ఈ ప్రమాదంలో మరో ఏడుగురు గాయపడ్డారు. వీరిలో కొందరి పరిస్థితి విషమంగా ఉన్నట్లు తెలుస్తోంది. క్షతగాత్రులను సమీపంలోని ఆసుపత్రులకు తరలించి చికిత్స అందిస్తున్నారు.

ఎన్డీఆర్​ఎఫ్​, ఎస్డీఆర్​ఎఫ్​, అగ్నిమాపక, సివిల్​ డిఫెన్స్ బృందాలు ఘటనా స్థలానికి చేరుకొని.. సహాయక చర్యల్లో పాల్గొన్నాయి.