ఛత్తీస్గఢ్ జగ్దల్పూర్లో ఘోర రోడ్డు ప్రమాదం జరిగింది. కోడేనార్ పోలీస్ స్టేషన్ పరిధిలోని రాయ్కోట్ గ్రామంలో మినీ ట్రక్కు బోల్తా పడింది. ఈ ఘటనలో ఐదుగురు అక్కడిక్కడే మృతి చెందగా.. మరో 25 మంది తీవ్ర గాయాలతో ఆసుపత్రిలో చికిత్స పొందుతున్నారు.
ఐదుగురి ప్రాణం తీసిన ఓవర్లోడ్!
వాహన సామర్థ్యానికి మించి ప్రయాణికులను ఎక్కించుకున్న డ్రైవర్ తప్పిదం వల్లే ప్రమాదం జరిగిందని స్థానికులు వాపోతున్నారు. రాయ్కోట్ నుంచి తోకాపాల్కు బయల్దేరిన ఈ వాహనం.. ఓవర్లోడ్ కారణంగా రాయ్కోట్ సమీపంలోనే ఓ దాబా వద్ద అదుపుతప్పి బోల్తా పడింది.
ఘటనా స్థలానికి చేరుకున్న పోలీసులు.. క్షతగాత్రులను ఆసుపత్రికి తరలించారు.
ఇదీ చదవండి:'జల క్రాంతి'తో కరవు నేలలో జల సిరులు
