వంతెనపై నుంచి పడిన వ్యాన్​.. ఎనిమిది మంది మృతి

ప్రమాదవశాత్తు అదుపుతప్పి వంతెనపై నుంచి వ్యాను బోల్తోపడిన ఘటన మహారాష్ట్ర ధులే నగరంలో చోటుచేసుకుంది. ఈ దుర్ఘటనలో 8 మంది మృతి చెందారు, మరో 25 మంది తీవ్రంగా గాయపడ్డారు.

మహారాష్ట్రలో ఘోర రోడ్డు ప్రమాదం జరిగింది. ధులే నగర సమీపంలోని ఓ వంతెనపై నుంచి వ్యాన్​ ప్రమాదవశాత్తు అదుపుతప్పి వాగులో పడిపోయింది. ఈ ఘటనలో 8 మంది మృతి చెందారు. 25 మందికి తీవ్ర గాయాలయ్యాయి.

శుక్రవారం అర్ధరాత్రి ధులే-సోలాపుర్​ రోడ్డులో ప్రయాణిస్తున్న బొలెరో వ్యాను సుమారు 30కిపైగా మందితో ప్రయాణిస్తూ ప్రమాదానికి గురైంది. వించూర్​ గ్రామానికి సమీపంలో వాగుపై ఉన్న వంతెనపై నుంచి అదుపుతప్పి నీటిలో పడిపోయింది.

వంతెనపై నుంచి పడిపోయిన వ్యాన్​

ఘటనాస్థలానికి చేరుకున్న 108 సిబ్బంది నీటిలో పడిపోయిన వారిని రక్షించారు. మృతదేహాలను వెలికితీశారు. పోలీసులు కేసు నమోదు చేసుకుని దర్యాప్తు చేపట్టారు. మృతులు మధ్యప్రదేశ్​కు చెందిన వారిగా గుర్తించారు.

ఇదీ చూడండి: గచ్చిబౌలిలో గాల్లో ఎగిరిన కారు... లైవ్ విజువల్స్