2022 ఉత్తర్ప్రదేశ్ అసెంబ్లీ ఎన్నికల్లో తమ పార్టీ పోటీ చేయనున్నట్లు ఆమ్ఆద్మీ పార్టీ అధినేత అరవింద్ కేజ్రీవాల్ తెలిపారు.
"8 ఏళ్లలో ఆప్ పార్టీ దిల్లీలో మూడు సార్లు అధికారంలోకి వచ్చింది. పంజాబ్లో ప్రధాన ప్రతిపక్షంగా పనిచేసింది. రానున్న యూపీ అసెంబ్లీ ఎన్నికల్లో పోటీ చేస్తాం. దిల్లీలో ఉన్న చాలామంది యూపీ ప్రజలు...ఉత్తర్ప్రదేశ్లోనూ పోటీ చేయమని మాకు సలహాలు ఇచ్చారు. ప్రస్తుత ప్రభుత్వంపై తాము అసంతృప్తితో ఉన్నామని తెలిపారు."
--అరవింద్ కేజ్రీవాల్ , ఆమ్ఆద్మీ పార్టీ అధినేత
మరోవైపు యూపీ ఎన్నికల్లో తాము చిన్న పార్టీలతో పొత్తు పెట్టుకోవటానికి సిద్ధంగా ఉన్నామని సమాజ్వాదీ(ఎస్పీ) అధినేత అఖిలేశ్ యాదవ్ అన్నారు. మొత్తం 403 అసెంబ్లీ స్థానాలున్న యూపీలో 2017 ఎన్నికల్లో భాజపా-309, ఎస్పీ-49, బీఎస్పీ-18, కాంగ్రెస్-7 సీట్లు సాధించాయి.
ఇదీ చదవండి: 'నిరసన చేస్తే దేశద్రోహులు.. వారేమో స్నేహితులు'
