పాస్పోర్టుల ఆధారంగా ఎన్ఆర్ఐలకు ఆధార్ కార్డులు అందివ్వాలని కేంద్ర ఆర్థికమంత్రి నిర్మలా సీతారామన్ ప్రతిపాదించారు. స్వదేశానికి వచ్చి 180 రోజుల పాటు ఆగకుండా... వారికి సత్వరమే ఆధార్ పంపిణీ చేయాలన్నారు నిర్మల.
ఆఫ్రికాలోని వివిధ దేశాలతో సంబంధాలు పెంచుకోవడం కోసం 2018లో దౌత్య ప్రణాళికలను ప్రభుత్వం ఆమోదించినట్టు ఉద్ఘాటించారు కేంద్ర మంత్రి. ఇందులో భాగంగా 5 దౌత్య కార్యాలయాలను ప్రారంభించినట్టు తెలిపారు. మరో 4 కార్యాలయాలు ఈ ఆర్థిక సంవత్సరంలోనే ప్రారంభమవుతాయని స్పష్టం చేశారు.
శిల్పులు, సృజనాత్మక నైపుణ్యం ఉన్న వారికి సహాయం చేయడానికి ఓ మిషన్ను ఏర్పాటు చేయనున్నట్టు నిర్మల ప్రకటించారు. వారికి ప్రపంచస్థాయి మార్కెట్లో అవకాశాలు మెరుగుపరచడానికి కృషి చేయనున్నట్టు తెలిపారు. ఇది పేటెంట్ హక్కులు పొందడానికి ఉపయోగపడుతుందన్నారు ఆర్థికమంత్రి.
ఇదీ చూడండి- బడ్జెట్ 2019 : '2024కల్లా ఇంటింటికి తాగునీటి కుళాయి'
