ప్రస్తుత ఆధునిక సమాజంలోనూ మూఢనమ్మకాలు అక్కడక్కడా ఉనికి చాటుతూనే ఉన్నాయి. కుమారుడు పుట్టాలనే వాంఛతో క్షుద్రపూజల పేరుతో 13ఏళ్ల కన్నకూతురినే బలిచ్చాడు ఓ కసాయి తండ్రి.
తమిళనాడు పుదుకుట్టై జిల్లా కందర్వకొట్టైలో.. చాలా ఏళ్లుగా మగసంతానం కోసం ఎదురుచూస్తున్న కుటుంబ పెద్ద.. ఓ జ్యోతిషుడి మాటలు విని తమ కుమార్తెను బలిచ్చేందుకు సిద్ధమయ్యాడు. ఇంటి ఆవరణలోని బావిలో నీళ్లు తోడుతున్న బాలికను చంపేశాడు. ఈ ఘటనను అనుమానాస్పద మృతిగా నమోదు చేసుకున్న పోలీసులు హంతకుడి కోసం గాలించారు. అయితే కన్న తండ్రే ఆ బాలికను హతమార్చినట్లు పోలీసుల విచారణలో తేలింది. ఈ దుస్సాహసానికి ఒడి గట్టిన వ్యక్తిని అరెస్టు చేసిన పోలీసులు.. కుమార్తెను చంపాలని సలహా ఇచ్చిన జ్యోతిషుడి కోసం గాలిస్తున్నారు.
