ఐక్యత చాటేందుకే వయనాడ్​ బరిలో:రాహుల్

కాంగ్రెస్​ అధ్యక్షుడు రాహుల్​ గాంధీ వయనాడ్​ లోక్​సభ నియోజకవర్గానికి నామినేషన్​ దాఖలు చేసిన అనంతరం రోడ్​షోలో పాల్గొన్నారు. కేంద్ర ప్రభుత్వానికి సందేశం ఇవ్వడానికే దక్షిణాది నుంచి బరిలో దిగుతున్నట్టు వెల్లడించారు. రాహుల్​ను జాగ్రత్తగా చూసుకోవాలని వయనాడ్​ వాసులను ప్రియాంక కోరారు.

భారతదేశ ఐక్యమత్యాన్ని చాటిచెప్పి మోదీ ప్రభుత్వానికి సందేశం ఇవ్వడానికే వయనాడ్​ నుంచి పోటీచేస్తున్నట్టు కాంగ్రెస్​ పార్టీ అధ్యక్షుడు స్పష్టం చేశారు.

"ప్రభుత్వం పనితీరుపై, మోదీ-ఆర్​ఎస్​ఎస్​ తీరుపై దక్షిణాది రాష్ట్రాలైన తమిళనాడు, కేరళ, కర్ణాటక ప్రజలకు అనుమానాలున్నాయి. తమ సంప్రదాయం, భాష, చరిత్రపై దాడి జరుగుతోందని దేశంలోని చాలా మందికి అనిపిస్తోంది. అందుకే దేశంలోని ఉత్తర, దక్షిణ ప్రాంతాల నుంచి పోటీ చేసి వారికి ఒక సందేశం ఇవ్వాలనుకున్నా."
- రాహుల్​ గాంధీ, కాంగ్రెస్​ అధ్యక్షుడు.

వయనాడ్​ లోక్​సభ స్థానానికి నామపత్రం దాఖలు చేసిన తర్వాత కేరళ రాజకీయాలపై స్పందించారు రాహుల్. ఎన్నో ఏళ్లుగా రాష్ట్రంలో సీపీఎం- కాంగ్రెస్​ మధ్యనే పోటీ ఉందన్నారు​. సీపీఎం ఎన్ని విమర్శలు చేసినా తాను మాత్రం ఎన్నికల ప్రచారాల్లో ఆ పార్టీకి వ్యతిరేకంగా ప్రసంగించనని రాహుల్​ స్పష్టం చేశారు.

రాహుల్​... రాహుల్​...

వయనాడ్​లో నామపత్రం దాఖలు చేసిన అనంతరం రోడ్​షో నిర్వహించారు రాహుల్​. ప్రియాంక గాంధీ సహా పార్టీ ముఖ్యనేతలు ఇందులో పాల్గొన్నారు. తమ ప్రియతమ నాయకుడిని చూడటానికి రాహుల్​ అభిమానులు భారీగా తరలివచ్చారు. కాంగ్రెస్ జెండాల రెపరెపలతో, రాహుల్​ గాంధీ అనే నినాదాలతో వయనాడ్​ రోడ్లు హోరెత్తాయి.

సోదరుడి వెంటే ప్రియాంక...

ఈ పర్యటనలో ప్రియాంక గాంధీ తన సోదరుడు రాహుల్​కు మద్దతుగా నిలిచారు.​ కాంగ్రెస్​ అధ్యక్షుడు నామపత్రం సమర్పించిన దగ్గర నుంచి రోడ్​షో ముగిసేవరకు ఆయన​ వెన్నంటే నిలిచారు ప్రియాంక. తన సోదరుడిని జాగ్రత్తగా చూసుకోమని వయనాడ్ ​వాసులను ట్విట్టర్​​ వేదికగా అభ్యర్థించారు.

• My brother, my truest friend, and by far the most courageous man I know. Take care of him Wayanad, he wont let you down. pic.twitter.com/80CxHlP24T

  — Priyanka Gandhi Vadra (@priyankagandhi) April 4, 2019 " class="align-text-top noRightClick twitterSection" data="

  My brother, my truest friend, and by far the most courageous man I know. Take care of him Wayanad, he wont let you down. pic.twitter.com/80CxHlP24T

  — Priyanka Gandhi Vadra (@priyankagandhi) April 4, 2019

  ">

  My brother, my truest friend, and by far the most courageous man I know. Take care of him Wayanad, he wont let you down. pic.twitter.com/80CxHlP24T

  — Priyanka Gandhi Vadra (@priyankagandhi) April 4, 2019

"నా సోదరుడు, నా మిత్రుడు, నాకు తెలిసిన అత్యంత ధైర్యవంతమైన వ్యక్తి రాహుల్​. వయనాడ్​ ప్రజలారా... రాహుల్​ను జాగ్రత్తగా చూసుకోండి. మీకు ఎప్పుడు అండగా నిలుస్తాడు"
-ప్రియాంక గాంధీ, కాంగ్రెస్​ ప్రధాన కార్యదర్శి.

ఇదీ చూడండి:భారత్​ భేరి: ఉపాధిపై రాజకీయ పకోడీలు