భారత్లో మహమ్మారి విజృంభణ కొనసాగుతోంది. మహారాష్ట్రలో కొత్తగా 14,888 మంది వైరస్ బారిన పడ్డారు. మరో 295 మంది మృత్యువాతపడ్డారు. దీంతో మొత్తం కేసులు 7 లక్షల 19వేలకు చేరువలో ఉన్నాయి. ఉత్తర్ప్రదేశ్, దిల్లీ, కేరళ, కర్ణాటక, మహారాష్ట్ర, తమిళనాడు రాష్ట్రాల్లోనూ కొవిడ్ కేసులు విపరీతంగా బయటపడుతున్నాయి.
యూపీలో 2 లక్షలు దాటిన కేసులు..
ఉత్తర్ప్రదేశ్లో కొత్తగా 5,898 మంది వైరస్ బారిన పడగా... 82 మంది మృతి చెందారు. ఫలితంగా మొత్తం కేసుల సంఖ్య 2 లక్షలు దాటింది.
తమిళనాడులో 6 వేలు..
తమిళనాడులో వైరస్ రికవరీ రేటు మెరగవుతున్నప్పటికీ కేసుల సంఖ్య పెరుగుతూనే ఉంది. తాజాగా 5,958 మందికి కరోనా పాజిటివ్గా తేలింది. మరో 118 మంది ప్రాణాలు కోల్పోయారు. ప్రస్తుతం 52,362 మంది చికిత్స పొందుతున్నారు.
- బంగాల్లో తాజాగా 2,974మందికి కరోనా సోకింది. మరో 55 మంది మరణించారు.
- కేరళలో కొత్తగా 2,476 మంది వైరస్ బారిన పడ్డారు.
- దిల్లీలో ఒక్కరోజే 1,693 కేసులు నమోదవగా.. 17మంది చనిపోయారు.
- జమ్ముకశ్మీర్లో గడిచిన 24 గంటల్లో 700మందికి వైరస్ పాజిటివ్గా తేలింది.
మాజీ సీఎంకు కరోనా..
అసోం మాజీ ముఖ్యమంత్రి తరుణ్ గొగొయికు కరోనా సోకింది. ఈ నేపథ్యంలో తనను ఇటీవల కలిసిన వ్యక్తులు కొవిడ్ పరీక్ష చేసుకోవాలని సూచించారు తరుణ్.
76 శాతం పైనే రికవరీ..
దేశంలో రికవరీ రేటు 76.30 శాతానికి చేరుకుందని కేంద్ర ఆరోగ్య శాఖ తెలిపింది. 24,67,758 మంది వైరస్ నుంచి కోలుకున్నారు. ఫలితంగా యాక్టివ్ కేసుల కంటే కోలుకున్నవారు 3.5 రెట్లు అధికంగా ఉన్నారని పేర్కొంది. మొత్తం కేసుల్లో 21.87శాతం మంది చికిత్స పొందుతున్నారు. మరణాల రేటు 1.84 శాతంగా ఉందని తెలిపింది.
ఇదీ చూడండి: ప్రియాంకను తనతో పాటు రమ్మన్న మదర్ థెరిసా!
