వివాహానికి తీసుకెళ్లలేదని ఉరి వేసుకున్న చిన్నారి

వివాహానికి తీసుకెళ్లలేదని ఉరివేసుకొని ఆత్మహత్య చేసుకుంది ఓ ఎనిమిదేళ్ల చిన్నారి. ఈ ఘటన ఉత్తర్ ప్రదేశ్​లో బుధవారం జరిగింది. కేసు నమోదు చేసుకున్న పోలీసులు దర్యాప్తు ప్రారంభించారు.

ఉత్తర్​ ప్రదేశ్ ముజఫర్​నగర్ జిల్లా నిర్ధన గ్రామంలో విషాదం జరిగింది. తల్లి తనను పెళ్లికి తీసుకెళ్లలేదని ఓ ఎనిమిదేళ్ల చిన్నారి ఉరివేసుకొని ఆత్మహత్యకు పాల్పడింది.

బంధువుల వివాహానికి తనను తీసుకెళ్లలేదని మనస్తాపంతో బాలిక ఉరివేసుకుందని స్థానిక పోలీస్ అధికారి ధర్మేంద్ర సింగ్ తెలిపారు. పోలీసులు వెళ్లేసరికి చిన్నారి అంత్యక్రియలు పూర్తయ్యాయని వివరించారు. ఈ ఘటనపై కేసు నమోదు చేసి, దర్యాప్తు చేస్తున్నామన్నారు.

ఇదీ చదవండి :లైవ్ వీడియో​: జనావాసంపై పులి పంజా- ఇద్దరికి గాయాలు