దేశంలో కొవిడ్ కేసుల సంఖ్య తగ్గుతోంది. అయితే కేరళలో మాత్రం కేసులు విపరీతంగా నమోదవుతున్నాయి. ఒక్కరోజే 5,457 మంది వైరస్ బారిన పడ్డారు. ఫలితంగా మొత్తం కేసుల సంఖ్య 3 లక్షల 90 వేలకు చేరువైంది.
తమిళనాడులో కొత్తగా 2,522 మందికి కరోనా సోకగా... మరో 27 మంది మరణించారు. దీంతో మొత్తం కేసుల సంఖ్య 7 లక్షల 14 వేలు దాటింది. 6 లక్షల 75 వేల మందికి పైగా కరోనా జయించారు.
- ఉత్తర్ప్రదేశ్లో తాజాగా 2,018 కేసులు నమోదయ్యాయి. మరో 38 మంది ప్రాణాలు కోల్పోయారు. దీంతో రాష్ట్రంలో మొత్తం బాధితుల సంఖ్య 4 లక్షల 74 వేలు దాటింది.
- ఒడిశాలో కొత్తగా 1,247 మందికి వైరస్ పాజిటివ్గా తేలగా... మరో 13 మంది కొవిడ్కు బలయ్యారు.
- కేంద్రమంత్రి రాందాస్ అథవాలేకు కరోనా సోకినట్లు నిర్ధరణ అయింది. దీంతో ఆయన ముంబయిలో ఓ ప్రైవేటు ఆసుపత్రిలో చేరినట్లు అధికారులు తెలిపారు.
11 వారాల్లో అత్యల్పం..
దేశంలో యాక్టివ్ కేసుల సంఖ్య 6.25 లక్షలకు చేరుకుందని... 11 వారాల్లో ఇదే అత్యల్పమని కేంద్ర ఆరోగ్య శాఖ తెలిపింది. దీంతో కేసులోడ్ 7.88కు తగ్గింది. 18 జిల్లాల్లోనే 35 శాతం యాక్టివ్ కేసులు ఉన్నట్లు వెల్లడించింది. 90.62శాతం మంది కొవిడ్ నుంచి కొలుకున్నారు.
రోజువారి నమోదవుతున్న కేసులతో పాటు మరణాలు తగ్గడం వల్ల మరణాల రేటు 1.50 తగ్గినట్లు మంత్రిత్వశాఖ పేర్కొంది.
ఇదీ చూడండి: దేశ ఆర్థిక స్థితిపై ప్రధాని మోదీ సమీక్ష
