దారికి అడ్డొచ్చిన ఆవులు- ఐదుగురు మృతి
మహారాష్ట్ర నాసిక్ జిల్లాలో ఘోర రోడ్డు ప్రమాదం జరిగింది. ఈ దుర్ఘటనలో ఐదుగురు మరణించారు. ముగ్గురు గాయపడ్డారు.
ఇదీ జరిగింది...
సిన్నార్ సమీపంలో నాసిక్-పుణె రహదారిపై శనివారం సాయంత్రం ఓ పశువుల కాపరి.. ఆవులను రోడ్డు దాటిస్తున్నాడు. లారీ డ్రైవర్ దారికి అడ్డంగా గోవులు రావడాన్ని గుర్తించి ఒక్కసారిగా బ్రేక్ వేశాడు. అయినా లారీ పశువుల కాపరిని ఢీకొనగా... అతడు అక్కడికక్కడే మృతిచెందాడు.
అకస్మాతుగా ఆగిన ఆ లారీని వెనుక నుంచి టెంపో ఢీకొంది. లారీలోని ఇద్దరు, టెంపోలోని ఇద్దరు ప్రయాణికులు మరణించారు. మరో ముగ్గురు గాయపడ్డారు.
సమాచారం అందుకున్న పోలీసులు ఘటనా స్థలానికి చేరుకున్నారు. క్షతగాత్రులను సమీప ఆసుపత్రికి తరలించారు.
ఇదీ చూడండి : 'మత్తుతో చిత్తే... అందుకే ఈ-సిగరెట్లపై నిషేధం'
