పంజాబ్లో కల్తీ మద్యం తాగిన ఘటనలో మృతుల సంఖ్య 38కి చేరింది. మృతులు పంజాబ్లోని అమృత్సర్, బటాలా, తర్న్ తరణ్ జిల్లాలకు చెందినవారు. ఈ దుర్ఘటనపై ఆ రాష్ట్ర ముఖ్యమంత్రి అమరీందర్ సింగ్ దిగ్భ్రాంతి వ్యక్తం చేశారు. వెంటనే న్యాయ విచారణకు ఆదేశించారు.
బుధవారం రాత్రి..
ఈ నెల 29 రాత్రి ఈ విషాదం నెలకొన్నట్లు అధికారులు తెలిపారు. కల్తీ మద్యం సేవించి ముచ్ఛల్, తంగ్ర గ్రామాల్లో ఐదుగురు మరణించినట్టు పంజాబ్ డీజీపీ దినకర్ గుప్తా వెల్లడించారు. అనంతరం మృతుల సంఖ్య 38కి చేరినట్టు పేర్కొన్నారు.
ఈ ఘటనపై కేసు నమోదు చేసి దర్యాప్తు ప్రారంభించారు పోలీసులు.
